Thantlang Ralzam Cheukhat nih Zudin Ding an Hmuh Tilo caah Covid Kut Ttawlnak Hand Senitizer An Din. Thantlang ralzam cheukhat hna cu zu din awk an ngeih tilo caah Covid kutttawl nak an din tiah thawngtheih a si. Thantlamg he aa pehtlaih nak India ram, Mizoram zongah zu zuarnak nawl an khar dih caah a tu bantuk Hand Senitizer an din hi a si tiah theih a si fawn.
Thantlang ralzam pakhat nih ”Covid kutttawl nak an din hi tukum thawk khan ka theihve, ka theihka in ka khuaruah a hartuk ve. Keimah nih fiang tein ka theihmi hi minung 5 an si cang” tiah a chim. Cun, hi Hand Senitizer chungah Alcohol 70% aa tel/cawh tiah aa tial caah an din hi a si lai tiah ka zumh tiin a mah nih cun a chim nolh. Hi Hand Senitizer a dingmi pawk hi zu nih a lem tuk cangmi pawl an si hna tiah theih a si. Credit: CCN
Thawngpang dang. State Counselor Aung San Suu Gyi Naypyitaw thong ah ṭhial a si. Hramhram in uknak a latu phu nih sualnak phunkip bunh in tlaih le tazacuai a simi State Counselor Aung San Suu Gyi cu June 22 ah Naypyitaw thong chung inn dang te ah kuat a si tiah theih a si.
SAC nih hramhram in uknak a lak hnu ah State Counselor Aung San Suu Gyi cu khoika dah an chiah ti le amah pumpak zong nih khoika dah an ka chiah ti ka thei lo tiah a rak chim.June 22 ahcun State Counselor Aung San Suu Gyi cu Naypyitaw thong chung a thar sakmi inn dang te ah umding in an ṭhial tiah biaceihzung he aa naihniam mi pakhat nih thawngzamh pawl sin ah a chim.
Ram hruaitu pawl an bunhmi hna sualnak pawl cu Naypyitaw Council chung inn pakhat ah a hlei in biaceihzung an tuah i zohfelnak an tuah hna hi a si i June 23 thok in Naypyitaw thong chung inn thar ah ṭhial le zohfel a si lai tiah theih a si.
Leave a Reply