Uico ralhrang kawlralkap nih Ramthlo khua an khangh tthan. Atu zong a kaang cuahmah rih. Atutiang theih khawh mi ah Inn 9 a kaang cang.A kaangh cuahmah rih caah inn zeizat riamruam dah an kan khangh piak hoi te lai te in theih a si lo tiah” khua mi pakhat sin in kan theih. Nihin zing deuh ah khan Dokthek le Ramthlo karlak ah kahnak a chuak.
CDF nih SAC ralhrang cu an kah hna hi a si cu ahcun SAC ralhrang lei in a thi mi zong an um. Cu tlawmpal ahcun Ramthlo khua phak hlan ah dawh taktak in an sak mi Strawberry Dum nganpi i inn cu SAC ralhrang nih an kangh colh ti asi.Cu hnu ah SAC ralhrang hna cu Ramthlo khua ah an lut i inn pawl cu an khagnh hna hi asi.
SAC ralhrang pawl hi vansang in an um cang caah sualnak ngei mi a ngei lomi khua mi inn tu an khangh tthan hi asi. A tu tiang ahcun inn zeizat satdah a kaang timi a fiang lo nain inn tam pah khangh dawh an si ko tiah khua mi pakhat nih cun a chim.
Thawngpang dang. A ruang um lo bak in ralhrang kawlralkap nih khua inn dihlak ti awk vutcaam ah an canter tthan. Min Aung Hlaing mi ralhrang kawlralkap nih May nihnih ah Ayadaw peng, Malayta khua cu a ruang um loin khua dihlak an khangh dih. Hi khua ah hin inn thongkhat hrawng a si i, a khuapi ngai vemi zong a si. Ralhrang hna cu May nihnih suimilam pakua ah an ra.
Hi lio caan ah hin khuachung minung pakhat hmanh an um ti lo. Zanlei suimilam hleihnih hrawngah khua cu an khangh. Inn a kaangmi hi zakhat ah sawmkua cu a kang dih. Khuami hna cu ralhrang an ra ti theih ah a hlankan in an zam hna i, khuami chungin a nunnak liammi le a thimi cu an um lo tiah Malayta khuami pakhat nih a chim.
Leave a Reply