Russia President Putin cu cancer zawtnak angeih caah operation aa tuah kho mi a si tiah an langhter. Caan karlak amah aiawhtu ah Russia Federation Security Council ah Secretary Nikolai Patrushev a si te lai tiah New York Post nih a langhter. Hi konghe pehtlaiin Putin hi a sibawi hna nih operation tuah dingin ruahnak zong an pek tiah an langhter chih.
Surgery le aa thlopbulnak caan zong a rau lai lo ti zong an tar rih. Hi kong hi Russian Foreign Intelligence Service Lieutenant general hlun zohkhanh mi Telegram Channel in theih mi a si. Russia president hi cancer zawtnak angaih pin ah damlonak tete siseh Parkinson timi zawtnak zong a ngei tiah thawngpang aleng.
Hi konghe pehtlaiin US Official hna nih Putin konglam ah thawngpang a lengmi hi finfianhnak a um lo tiah an chim. Pentagon thawngthanhtu John Kirby nih cun hi thawngpang hi a dik ko timi fehternak a um lo tiah a chim. Nikolai he hin suimilam pahnih chung hrawng Putin cu biaruahnak an ngei ti zong an langhter.
Caan karlak chung Putin rian a ttuan lai an timi hi Putin nak in a that deuhnak zong a um lo, Nawlngaihnak angaih sihmanh ah Russia buainak hi cu aa chap deuhdeuh lai tiah Telegram Channel nih a langhter. Cun Putin zong nih caan sau nawlngaihnak a pek lai zong zumh a si lo i nihnih thum hrawng pin cu a si lai lo tiah an chim.
Nikolai Patruchev hi Putin zong nih ruahnak ahal tawnmi a si. Putin bantukin Nikolai hi Soviet KGB le Russian FSB tangah Russia Intelligence agent a rak si cang tiah report nih a langhter. Kan hnu zarh zongah Russian paper, Rossiyskaya Gazeta nih biaruahnak an ngaih lio zongah America le Europe ram hna hi Ukraine ah neo-Nazi ideology tharchuahtu le buainak a karhtertu an si tiah a rak ti.
Leave a Reply