PU MANG LIAN SIN AH RALZAM BAWMHNAK TING 90 A TLAU MI KONG

Pu Aung Thang nih Mindate ralzam bawmhnak tangka Pu Mang Lian sin in a tlau atinak kong Mizoram thawngzamhnak ngan Vanglaini an langhter cang. Pu Aung Thang nih a chimmi cu NUG bawmhnak hmuhmi tangka cu Kawlram bank ah chiah awk a that lo caah India mi sinak a ngeimi sin ah kan chiah i, ting 90 a tlau tiah a chim.

Bank Account kan chiahnak hi Ramhlun I, LRM sizung pawngah a ummi Pu Mang Lian sin ah kan chiah. A tu ah Pu Mang Lian cu a umnak zong kan thei ti lo. Asi khawh chungin tangka kan hmuh tthannak dingah kan kawl cuahmah lio a si. Tuan lio ah hi konghi rak langhter cang mi a si. Asinain tuni ah an vun langhtermi a si. Atawinak in kan langhtermi a si i, a tang hmanthlak ah tling tein rel khawh a si.

Thawngpang dang. Pharuso peng, Dawhekhu khua biakinn khanghpiak a si. Kanren ram, Pharuso peng, Dawhekhu khua khrihfa biakinn cu June 15 zaanlei sml 3:00pm hrawngah SAC ralkap pawl nih an khangh tiah KNDF nih a thanh.SAC ralkap pawl nih June 14 ah Dawhekhu khuachung mipi inn 4 leng an khangh lengah June 12 zongah Hteepawso khua khrihfa biakinn pakhat zong hriamngan in an kah tiah cathanh ah an langhter.

SAC ralkap pawl nih June 10 thok in Pharuso peng, Dawhekhu khua le Hteepawso khua ah kahdohnak an tuah i Karenni phufonh hna he ni 6 chung kahdohnak a chuak.SAC ralkap pawl Dawhekhu khua le Hteepawso an luh ni thok in mipi inn pawl an bauh i an thilrii pawl an fir, biaknak lei inn pawl an hrawh, inn pawl an khangh tiah KNDF cathanh ah langhter a si.