Sagaing ramthen, Sagaing in Monywa- Mandalay lampi zul in a kal mi, uniform hruk lo ralhraang pawl cit mi Prado a nak mi pahnih cu PDF tangti phu komh nih bomb an puah hna i Officer pakhat tel in ralhraang 4 an thi tiah tualchung PDF nih thawng an thanh.
Nihin zaanlei suimilaam 2:30 ah Sagaing ramthen, Monywa-Mandalay lampi Chaung Oo le Minmoe kar ah FRF (CHU) Battalion, MRA le Bandola Ngyi Naung tangti phu komh nih bomb an puah hna hi a si.Cu bomb puahnak ah ralhraang lei Officer pakhat tel in pali an thi i 3 hliamhma faak an tuar tiah FRF (CHU) Battalion nih an chim. HP
Thawngpang dang. Ralhrang nih an thah dingmi hna cu an tam taktak. Ralhrang nih anmah dohkalh mi thong an thlakmi 1200 renglo chungah nunchung thongthlak ding le thi ding an timi hna cu minung 209 an si tiah ISP Myanmar nih nizan ah a thanh. Minung 209 chungah Yangon ramthen in minung 202 an si.A dang minung 7 hna cu Ayeyarwady ramthen chungin an si. North Okkalapa ah a thi dingin bia an chahpiak mi hna hi minung 52 an si i, nunchung thongthlak ding minung 12 an si.
Cun Hlaingtharya pengah thi dingin bia an chahmi hi minung 17 an si i, nunchung thongthlak dingmi 30 an si.A thi ding le nunchung thongthlak ding pahnih in biachahpiak mi hi minung pathum an si tiah an langhter rih. Biachahnak sangbik an tuahmi 209 chungah an tlaih cang mi a thi ding mi le nunchung thongthlak ding mi 6, an tlaih cang mi thi dingin telh in warrant an chuah hnu ah thi dingin bia an chahmi minung 117 an si.
Cun an tlaih hnu i nunchung thongthlak dingmi minung 86 an i tel rih. Thi dingin biachahnak an tuahpiak mi hna chungah kum 18 tling lomi pahnih zong an i tel tiah an chim. 88 sianghngakchia lutlai tthing Kyaw Min Yu le NLD hluttaw Palai tthing ဦးဖြိုးဇေယျာသော် le Hlah Myo Aung siseh Aung Thurah Zaw minung pali hna hi thi dingin biachahnak an tuah hna.
Leave a Reply