Magway ramṭhen, Magway No. 2 palik camp ah sakhan hmu Aung Soe le Magway van ralkap pa pakhat cu, an lung hmuh thiamlo ruangah May 31 ah an i vel, tiah ralkap chung sin in theih a si.May 31 ah Magway van ralkap pakhat cu, palik camp ah a ra i, sakhan hmu Aung Soe a thongh caah an tlaih i van ralkap lei ṭuanvo ngeitu an auh hna. Thlah ding ah cikcin an khihmi cu an phoih dih in sakhan hmu cu a thongh ṭhan, tiah theih a si.
Sakhan hmu Aung Soe a thongtu Magway van ralkap pa cu, palik pawl nih an tlaih. Ralkap sawhsawh nih sakhan hmu a thongh cu palik pawl an thin hung tuk. Ralkap pawl zong nih palik camp chung ah kan hawipa nan velh an ti hna i, kaphnih kar hmuh thiam lonak a um, tiah theih a si.Crd; The chin post
Relchih.Dohthlennak ah ṭangṭi phu hna he i bawm in mahte khuakhan lairelnak khawhnak a ummi Karenni ram kan ser lai, tiah nizan May 31 ah KNDF kumkhat tlin camtuak ah Karenni Nationalities Defense Force(KNDF) Chairman Hkun Bi Htu(ခွန်းဘီထူး) nih a chim. KNDF lam hlat lam nai in a bawmtu, NUG siseh KNDF he ṭangṭi phu si hna seh, lunglawmhnak tampi kan ngei.
Hramhram uknak a dongh tiang kan doh lai.Cun Federal Democracy kan hmuh hlan tiang kan pehzulh lai, tiah a chimchap.KNDF nih ramkhel biahren a ngeihmi ning in mahte khuakhan lairelnak khawhnak a ummi, Karenni ram ser ding le hramhram uknak tei khawh nakding ca ah ramkip um dohthlennak phu he i pehtlai in kan ṭuan chuah lai,” tiah Hkun Bi Htu nih a chim.
KNDF an dohthlennak kum khat tlin camtuak ah anmah he ṭangṭi a simi AA, KNLA, BPLA le MNDAA hna nih lawmhpinak ca an kuat hna, tiah theih a si. Ṭangṭi phu AA, KNLA le MNDAA hna nih KNDF hruaitu pawl an i zuamnak le an thil tuahmi an zoh tikah an upat an cohlan hna i, kan si khawh chung in kan in bawmh hna lai, tiah ṭangṭi phu 3 hna nih cathanh an chuah.
Leave a Reply