Ralhrang Bomb Puah An Tong, Falam Khuami Ralphaw Ah Hmanmi An Thlah Than Hna

Htantapin Peng Ah SAC Ralkap Bomb Phuah Hnawh An Tong , 3 An Thi. Karen National Union(KNU) brigade 2 hmunhma,Htantapin peng ah SAC ralkap hna cu June 20 chunhnu ah bomb puahhnawh an si i ralkap 3 an thi tiah tualchung mi sin in theih a si. Bomb puah hnawh a tong mi SAC ralkap hna cu Zayat Gyi (ဇရပ်ကြီး) ah umhmun a khuar mi an si i Pago ramtthen le Karen ramkulh ramri ah bomb puah lhnawh an ton hi a si.

A thi mi ralkap hna cu Siasebu (ရှားစေးဘို) khua ah mmmi sakhan ah an kal pi hna tiah theih a si. ” Nihin chunhnu ah Siasebu le Kasedo (ကစယ်ဒို) nichuah lei kah ah KNLA nih SAC ralkap bomb an puah hnawh hna i 3 an thi, hliam a tuar mi zong an um, cheukhat cu Siasebu sakhan ah an kal pi hna,” tiah tualchung thawng nih a thanh.

Cu ti bomb puah hnawh an ton hnu ah cun Zayat Gyi le Siasebu ah umhmun a khuar mi SAC ralkap nih an pawngkam cu ruah damh in hriamngan in an kah tiah theih a si. Bomb puahhnawhnak kong he pehtlai in KNU lei nih thawng an thanh mi cu a um rih lo.

Relchih; SAC Nih Falam Khuami Ralphaw Ah An Hmanmi Hna Cu An Thlah Ṭhan Hna Falam khuami minung 25 cu SAC ralkap nih, meng 3 chung hrawng tiang ralphaw ah an hman hna, tiah theih a si. Nihin June 20 zing sml 10:00 hrawng ah Hakha-Rih lamṭhen tlang par ah umhmun an khuarmi SAC ralkap pawl nih, mi tlung kal cu an dirter hna i cycle le motor cu lamkam ah an dirter hna. Lungpi khua lei ah ke in hmai ah an kalter hna, tiah theih a si.

Lungpi khua an phanh dih in Falam lei ah an kir ṭhan i, Rih lamṭhen an phanh ah an tlaihmi hna minung 25 cu an thlah ṭhan hna. Ralphaw ah an tlaih hna liiah SAC ralkap pawl nih Falam-Hakha motor lam cu an phih, tiah theih a si. Nizan June 19 lio zong ah Falam khua ah umhmun khuarmi SAC ralkap nih Lungpi khua lei ah hriamngan in voi tam ngai an kah, tiah theih a si. Crd; The Chin Post.