Ralhrang phomh dingin SSA zong timhcia in an um cang. Ralhrang kawlralkap hna nih SSA cu nan zungpi a umnak Mong Hsu peng i base pathum IN nan chuak lai tiah June ni 4 ah khan an ti hna. SSA le RCSS karlak buainak fak pi in a chuah lio ah atubantuk in ralhrang hna nih nawl an chuah hi a si.
Ralhrang kawlralkap hna nih Loi Naing khua le Man Wan khua ah SSA base an kah a si ahcun ralhrang kawlralkap kahdoh dingin kan chuak lai tiah lehnak an tuah hna. Hi hmun le hma ralhrang nih chuak uh an tinak hi kum hra renglo an um cang nak hmun a si.
Northern headquater in kan chuah nak ding a lam a um lo tiah SSA chimnak nawlngeitu nih a chim. Ralhrang kawlralkap hna nih 120mm, 81mm le 60mm siseh hriamnam phunphun zeimaw an chiah i, SSA umnak pawngah thaazaang an chap tiah SSA nih an chim.
Thawngpang dang. Halleluiah tibak a phu, Mipi ralkap PDF nih ralhrang kawlralkap hriamnam tamtuk bak an chuh khawh hna. Ralhrang kawlralkap ralhrang palik sakhan cu mipi ralkap nih suimilam pakhat renglo an kahdoh hnu ah an lak khawh. Kahdohnak an tuah caan hi cawn nihnih Ni zan suimilam 12 hrawngah a chuah hi a si.
Hi ralhrang kawlralkap palik sakhan kahdohnak ah mipi ralkap lei hna cu People Defense Force Yesagyo, Salingyi Special Task Force, People Defense Force Myaung hna an si. Kahdohnak ah ralhrang kawlralkap lei in pathum an thi tiah an langhter pin ah minung pakhat a nung in an tlaih rih.
Adang ralhrang palik pawl hna cu thih an ttihtuk caah an zaam dih hna. Mipi ralkap nih hriamnam an lak khawhmi hna cu Rifle 8 le kuan 1000, cun motor pali le kutcheh bomb le tangka 10 million a si. Sakhan an lak khawh hnu ah mipi ralkap hna nih an khangh i, annih cu himte in an kir tiah an langhter.
Leave a Reply