SAC ralkap doh ding in PDF Commando training an tuah (Hmanthlak) Myanmar ram pumpi in mipi pawl inn khanghpiak le thilrii a firmi SAC ralkap pawl doh ding in nitlak lei nih PDF commando training an tuahnak hmanthlak pawl cu July 7 ah an langhter. PDF Commando phu pawl hi mipi inn kangh le thilrii firpiak a hmangmi SAC ralkap pawl dohnak ding caah le SAC sakhaan pawl laknak le khuachung kahdohnak caah dirhmi a si tiah theih a si.
Relchap; AA le dothlennak phu pawl fonh in cawlcanghnak an ngei, Karen ram, KNLA battalion 5 hmunhma chungah a ummi AA sakhaan pakhat cu July 4 ah SAC ralkap nih vanlawng pahnih in bom a thlak caah AA chungtel 6 an rak thi. Atu bantuk thiltuah hi kahdohnak chungah AA tel ding in a tuah hrammi a si tiah AA biachimnak nawl ngeitu Khine Thukha nih RFA ah a chim.
Cun, AA nih dothlennak phu pawl he pehtlai in cawlcanghnak kan ngei tiah Khine Thukha nih a chim. Cu kong he pehtlai in RFA le Khine Thuka biaruahnak an ngeihmi The Chinland Post nih kan rak langhter chin ve.
Relchih; Mone peng ah SAC sakhaan 5 cu KNLA nih an lak i hriam tampi chuh an si (Muicawl) Karen National Union (KNU) tlaihnak hmunhma a simi Nyaunglaypin pengkomh, Mone hmunhma ah SAC sakhaan cheukhat cu KNLA battalion 3 nih a lak i hriam tampi chuh an si tiah KNU nih June 3 ah a thanh.
June 2 zinglei ah Mone peng chung ah a ummi SAC sakhaan Kyaungpya, Aunglaungsein, Kyonepinseih, Kawpin le Kyaungsuh sakhaan hna cu hmakhat te ah lak an si tiah KNU cathanh ah a langhter. Lak a simi SAC sakhaan pawl cu mipi pawl umkalnak ah zohfelnak an tuahnak hmunhma pawl an si.
Sakhaan lak kahdohnak ah hriam tampi zong chuh an si tiah KNU nih a thanh. Sakhaan thianhhlimnak le thil fim lioah SAC nih vanlawng le helicopter in kah a bawmh i a zaammi mipi hna zong a kah hramhram caah khuami 4 an thi i hma a pumi zong an tam tiah KNU nih a langhter. Crd. The Chinland Post.
Leave a Reply