Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah Ti thawng theih a si. Hi kong he pehtlaiin Salai Tial Hram Ling nih a tanglei bantuk in a van langhter.Thlantlang khua inn le lo cu kum 5 project in phaisa ngei nih an ser khawh lai nain zalennak le mahte khuakhan lairelnak lo cun suimilam tawite chung ah vutcaam an cang than thiamthiam ko lai. Ralhrang cozah he i kawp in Thlantlang kan ser ahcun anmah le anmah kha Hero ah an i ser a si.
Mino nih nunnak kan pek mi le lutan tiang in kan doh mi khi ralhrang umlonak khua ser kan duh ruang ah a si. Zeitindah kawl ralhrang he cun kan khua cu kan ser duh ti lai? Khuapi ser cu innlo sak a si lo. Khuapi a himnak, ukhruainak le limhang hihai kha pei ser kan duh taktak mi a si awk cu a si cu!” Source: Salai Tial Hram Ling
Adang thawngpang. Ralhrang kawlralkap nih Mindat peng PalungTwe khua ah minung umnak inn le thilmansung le Dinti chiahnak kuang vialte hna an hrawh fir khangh dih. Hi konghe pehtlaiin tuni ah thanhnak an tuahmi cu Ralhrang kawlralkap hna cu June ni 29 ah Mindat peng Palungtwe khua ah an rak ra.
Mipi umnak inn le thilri siseh motor cycle le dinti chiahnak kuang hna cu an khangh hrawh hna tiah CDF mindat lei nih thawngthanhnak an tuah. June ni 29 zanlei suimilam pathum hrawng ah Palung Tui khua ah ralhrang kawlralkap le CDF mindat karlak ah kahdohnak a chuak.
Mah ni i kahdohnak ah ralhrang kawlralkap lei in minung pathum an thi i CDF Mindat lei in ram le miphun caah minung pathum nih an nunnak an pek ve tiah theih a si. Palung Tui khua hi Mindat le Matupi Htilin peng an i ritnak ah a ummi a si tiah an langhter chih. Dinti khonnak hna cu ralhrang nih an hrawh tiah theih a si.
Leave a Reply