RALHRANG KUTTANG AH A UM DIH RUANGMANG CANG E

Kawlram cu ralhrang kut ah a um dih cikcek ruangmang cang. Ralhrang nih Central Bank riantuantu ah anmah ralhrang kawlralkap bawi minung paruk an chiah cang hna. Ralhrang nih nawlngaihnak an lak hnu ah ramchung a zeizongte in nawlngaihnak an lak timi fehternak dingah a tubantuk in Central Bank ralhrang bawi paruk an chiah hna hi a si.

Central Bank riantuan dingah ralhrang bawi paruk an chiahmi hna hi thlakhat ah tingthum in tingli karlak lahkhah an ei lai ti a si. Atubantukin thanhnak an tuah tikah ralhrang kawlralkap nih Central Bank an mah kuttangah a um cang timi a fiang cang. Central Bank ah riantuantu tthenkhat hna cu ralhrang nih an rak tlaih cang hna i cuchung ah dantatnak an pekmi hna zong an um. Atu ahcun rampi cu an duhning paoh an tuah khawh cang lai tinak a si.

Thawngpang dang. Mindat cu thinphang ngaingi si than ko. Ralhrang kawlralkap nih phone line an phih. Phone line an phih paohah ralhrang hna cu a thlithup in cawlcanghnak an tuah lengmang caah mipi zong ralring tein um tiah theihternak an tuah hna. Phone line an phih lawng siloin Mindat ah ralhrang vanlong zong a zuang ti a si.

Ralhrang kawlralkap tampi hna cu mindat khuapi an lut cang i, Mindat khuapi in pawngkam khuate hna cu hriamnam ngan in an kah hna ti a si. Phone line hi nizan July ni 21 in an phih i, zeitik tiang an phih lai timi theih a si lo. Hi lio ah vanlong zong a zuang tiah an chim rih. Hi konghe pehtlaiin a tanglei bantukin CDF Mindat nih thanhnak an tuah.

Mindat peng ah phone line a ttha lo. Zeitiktiang an phih lai timi theih a si lo caah mipi vialte hna ralring tein um uh tiah theihternak an tuah. Aruang cu phone line an phih caan paoh ralhrang hna cu athlithup in cawlcanghnak an tuah tawn. Cucaah mipi hna ralring tein um uh tiah an ti.