Sagaing ramṭhen, Kalay peng le Inntaw peng ah rallam a sialmi SAC ralkap le palik motor cu bomb puah an ton caah SAC ralkap 20 an thi, tam ngai hliamhma an pu, PDF nih cathanh an chuah. Nihin June 21 zing sml 6:55 ah Sagaing ramṭhen, Kalay peng Ṭhuma in Kalay lei a kalmi SAC ralkap 130 leng cu, Kalay-Gangaw lam nichuahlei ah KALAY UGF nih bomb lung 8 in an puahhnawh hna, tiah theih a si.
Cu pinah June 21 zing sml 8:00 hrawng ah KALAY UGF nih kan bawh hna i, bomb an hmanhnak an phak ah kan puahhnawh hna i, SAC ralkap 20 nak tlawm lo an thi, tam ngai hliamhma an pu. Aa hliammi cu mizaw phorhnak motor nih a rak lak hna, tiah (L.D.F KALAY ) nih cathanh an chuah.
June 20 zanlei sml 3:00 hrawng ah Sagaing ramṭhen, Inntaw peng Meza sakhan hmu, Maung Maung Hla Tint telh in palik 2 aa citmi motor cu, Inntaw le Meza kar lakah bomb puah an tong i, sakhan hmu cu a hmai a sop dih. A dang palik zong an hliamhma fak ngai. Meza sakhan ah an thlopbul hna, tiah Inntaw IR Team nih cathanh an chuah.
Relchih; Magwe ramthen, Pauh peng khuate hna a hrawk tu SAC ralkap cu kahdoh an tong i 5 an thi tiah mizapi vengtu ralkap – Pauh peng nih cathanh an chuah. June 16 ah thazaang 105 a si mi SAC ralkap hna cu Taung Myint (တောင် မြင့်) khua leia kal mi rallam le mizapi vengtu ralkap Brigade 6, SLNL PDF hna karlak a voikhat nak kandohnak a chuak .
SAC ralkap hna cu Taung Myint khua ah zankhat an riak i June 17 zinglei ah TaungMyint khuami 2 cu an tlaih hna i lam hmuhsak tu ah an hman hna, KyuaPit (ကျားပစ်) khua cu hriamngan in an kah hnu ah an lut tiah mizapi vengtu ralkap – Pauh peng nih cathanh chung ah an langhter. Thit NgiNaung (သစ်ညီေနာင်) khua ah rallam an sial lio khualuh nak ah an hmanh mi bomb cu an i lamh i a puah caah a thimi an um len.
Hriamngan in khat le khat an i kap i a voihnihnak kahdohnak a si caah vanlawng a rak zuam caah mizapi vengtu ralkap hnu an tolh than. Thit NgiNaung khua chungah an lut i khua nitlak lei in an chuah pah ah khuami 4 an an tlaih tthan hna tiah an langhter. Thit NgiNuang khua lam ah hriamngan in 2. Bomb in voi 4, an kahdoh i Pha ATaw khua an rat lio ah hriamngan in voi 2 an kah, cu SAC ralkap hna cu SLNLPDF le mizapi vengtu ralkap phu fonh nih kan doh hna tiah SLN LPDF nih a langhter.
SAC ralkap hna nih Thit NgiNaung khuami kum 52 a si mi U Tin Maung Shine cu an kahthah i Pha ATaw khua sianginn le mipi inn 10 zong am duah. June 16 in 17 nihinh chung kahdohnak ah SAC ralkap 5 an thi i mizapi vengtu ralkap hna hliam mi um lo tein hnu kan tolh kho tiah mizapi vengtu ralkap – Pauh peng nih an langhter. Crd. The Chin Post.
Leave a Reply