Min Aung Hlaing cu a nupi nih fak ngai in a sik. Ralhrang hruaitu Pu Min Aung Hlaing cu a nupi nih fak ngai in a sik tiah theih a si.Ralkap bawi chungkhar kong a hlathlai tu hna nih an chimnak ahcun Min Aung Hlaing te chungkhar zong hi an buai ngai ve cang tiah an chim.
Min Aung Hlainh nihcun uknak a lak tikah an inn chungkhar ah buainak fak tuk a chuak. A ruang cu an sipuazi le company pawl tha tein an kal kho pi ti lo. Min Aung Hlaing a nupi zong comaony a ngeimi a si i a fapa le fanu zong company a ngei mi an si. Cu an company pawl cu tha tein an kalpi kho ti lo caah an kar ah buainak fak ngai a chuak tiah an chim.
Min Aung Hlaing nih uknak a lak hlan ah khan cu an company hi tha tuk in an rak kalpi khawh cang i phaisa zong tampi a miak an rak ngah tawn.Sinain uknak an lak hnu ahcun an mah chungkhar zong duh ning in an umkal ngam ti lo. An kut tang ah rian a tuanmi hna zong duh ning in an umkal ngam ti lo i rian an tuan kho ti lo.
An company cu ralkap le palik nih an ven. Mandalay ah Min Aung Hlaing fanu nih a ngeih mi hotel ah ho hmanh an kal in an tlung ti lo. An mah ralhrang bawi pawl tlunnak le umnak lawng ah an hman cang.An thil tuah mi poh a sinpi kho ti lo caah Min Aung Hlaing le an nu kar ah buainak a chuak cang. An nu nihcun uknak rak la hlah law mah bantuk harnak le buainak hi kan tong hnga lo tiah a ti.
Min Aung Hlaing te pawl an buainak hi a zual tuk cang. Cu ruang ah a si khawh ahcun Min Aung Hlaing nih uknak hi thlah zokzok a duh cang. Thimnak tuah zokzok i a mah zong a him khawhnak ding in thil tuaktan a duh cang. Sinain a tu ch Cakei mei ai tlaih sual cang. Credit: The Chin Star.
Salai Lungthlitum cabia.CBCUSA thimnak: Dr. Thla Awr a ke an khiah hmasa hnu ah paih bual an luhter.Rev. Dr. Thla Awr khi Pathian rian nakin raltuk rian thazaang a pe deuh tiah ka ruah i thimnak a sung ka theih ah ka lung a rak tling ngai, ningcang tein thimnak an tuah ko rua tiah ka ruah caah asi.Nain, Dr. Chum Awi nih fianternak a tuahmi video ka vun zoh cu ka lau ko, CBCUSA zong ah MAH bantuk in aa-naa an ting ve ko hi ta, an ning tal a zak hnga lo maw ka ti.
Nominate tuahtu phu nih a tuan liomi GS kha an duh ning an mer khawhmi a si lo caah an rem lo i nominate an tuah duh lo, an duh ning in mer khawh ding tiah an ruahmi mithar tu kha nominate an tuah diam,GS bak kha an thumh i floor in an kaiter. Mithar kha nuclear bomb an pek i GS tu cu inntang charmi chai menmen an put ter i GS sinak an cuhter hna kha a si.Tawlreltu phu bak nih nominate tuahmi cu mee tam deuh a ngah lai hen ta. Dr. Thla Awr cu nan veto power hriamnam hmang in a tang bik ah nan thlak cang cu ta, zeitin dah mee cu a ngah khe lai?
Pumpak rem lomi minung kha phung ning lo tuk in thlak cu zoh a chia hringhran dah. Fir piakmi thutdan ah cun GS thar zong a thut sia rem sual lai lo ka phang. US president zong khi party nih auto in nominate a tuah lai ti cu a um lo, nain a tuan liomi cu nominate tuah cia bantuk in ruah an si, primary thimnak cu a um ve ko nain a tuan liomi lawng kha nominate tuah peng an si ko. Credit: Salai Lungthlitum.
Leave a Reply