RALHRANG MEETING LE THANTLANG KHUA UPA HNA KONG

Halkha Khuapi Ralhrang Hna Meeting Le Thantlang Khua Upa Hna Kong. Halkha khuapi ah, Ralhrang hna nih, Thlachiar te (ပုံမှန်အစည်းဝေး ဋ္ဌါနဆိုင်ရာ အကြိးကဲ) pawl Metting an neih nak ah, Thantlang khua Dirh țhan nak tiin, Tlang tar nak Metting an tuah nak ah, Halkha khua ah Aum mi, Thantlang khua Upa hruai tu hna Ralhrang nih Metting ah an Sawm hna, Nan theicio ban tuk in, An. bia an El ngam hna lo,

Thantlang khua Upa zong nih, Ralhrang pawl uk nak duh Cohlan theng Asi lo,.Thantlang khua Tun mer țhan nak an chim tik ah Zei tin dah Ral pahnih kar lak ah, kan cawl ngam lai ti nak zong an chim ko nain, CNA nan bomh hna ti phun in Ahro hna,.Thantlang khua Upa zong hi, Nan mah kan mah ban tuk in, ralhrang hi an duh ve hna lo ti kha kan fian a hau,

Hlanlio ah ralkap khuate lei an tlun ah cun, khua bawi tlang Auh hmasa ban tuk in, Thantlang khua Upa cu, Halkha ah an um caah an Auh nak hna Asi,.Atu lio Online ah, Achung thil kal ning thei thlu loin, Mihrut hna e Dalan e ti hi, Ațha lo, Mihrut zong an si lo Mifim bochan mi an si ko, Halkha cu Duhzong duh lo zong ah, Ralhrang nih an Uk rih caah, Duh ning in cawl khoh Asi lo ti kha kan theih fian Ahau, Hi ban tuk A au khuang tawn mi hi, Vei pawl deuh kan si tawn hna, I ral ring deuh hna Usih.Aho te țanh nak theng um loin ka țial mi si. Credit: Sangling Thantlang.

Cabia dang. Awlokchongmi Ralhrang nih Hmunhma Sersiamnak le Upa Min Hmang in Lungṭhennak An Tuah. Hakha khualipi ah a dormi Thantlang khuanu/pa, upa le biaknak hruaitu cheukhat Chin ramkulh Ralkap uknak hruaitu (SAC) nih an cozah zung ah tonnak an auh hna i, June 30 ah SAC lei upa le Thantlang khuanu/pa tonak an ngei. Ralkap SAC upa nih tonnak (meeting) ah ngeihthlem in an thuat hna, an ambush hna. Kawl ngian le Ralkap ziaza an hman. Hi tonnak kong ah, Social Media chan a si bang, khulrang ngai in Online ah soisel colh a hun si.Asinain, zeitindah thil a can ning a si timi ṭha tein thanh chih le hlatchih nak he ṭialmi bel a tlawm deuhmi hmuh khawh a si. Tonnak hmanthlak le soiselnak bel cu Facebook cahmai ah a hun karh ngai.

Tonnak ah a telmi sin in, “Thantlang khua-uk hlun Hakha ah hrambunh mi, a um mi pakhat nih, Hakha khuasa Thantlang khua upa pakhat auh i, Zung ah tonak ngeih ding a chimh nak in a cangmi a si. Amahbel, Thantlang sersiam Ṭhannak kong a si lai le zei kong set dah caih a si lai timi an chim cia hna lo. Tulio nawlngeitu (hramhram in a va si ko zongah) nih an auhmi hna i, ‘Aw e, nawlngeitu pei an si fom cu…’ tiah hei kal deuh dawh khin theih a si.Asinain, cucu mizapi nih buaipi tukmi a si ti lo ai. SAC he an i tong hrimhrim timi in upa tu mawhphurhter an si.A taktak ah kan tuakchih lomi cu, Ralkap nih an ngian in an zerṭian an chuah mi a simi kong hi a si.

A taktak ahcun, Mipi lung i ṭhennak ding “Divide & Rule” timi kan lungthin ṭhencheuter i, fawi deuh in uk khawhnak ding a lam an i tuahmi a si. Zeitin hmanh lem le sawmnak an tuah khawh lo caah, an zerṭian an chuah mi a si kan ti khawh.Tutan, Meeting chung sining a theimi nih, anmah Ralkap nih cunglei i ripawt an tuah awk men khi a si ko lai dah. Zapi an phanh hnu in, Thantlang sersiam (reconstruction) ṭhannak timi catar an hun thlai chom le, PowerPoint projector in Thantlang kong caih ding a simi an hun langhter chom hnu lawng ah, Meeting ah tel ding an sawm mi hna nih an theih chom mi a si, tiah an chim.

A zei a si poah ah, cucu an khuaruah ning ah fianglanghnak (transpercy) a um lo zia a langhnak le cunglei rumro (top-down) khuaruah in an ruahnak a langh khun nak a si. Cucaah, Ralkap nih Thantlang upa cheukhat hramhram siloah ngaihthlem in an thuat hna, an ambush hna i, anmah hlawknak caah an hman hna lawng silo in, kanmah mipi karlak ah thinlung thennak an tuah duh caah a si. Cucu, awlokchong le vansang in an umnak a ruang ah a si.Chin ramkulh cu an uk khawh lo le pen khawh lo khi vawleipi nih theih a si ko. Cucaah, ASEAN AHA Center nih tawlrel in bawmhnak pek dingmi Ralkap nih a tlaktlak dingmi zong Chin ramkulh cu an pek ngam lo caah, telh lo a si. Cucu, Chin ramkulh kanmah tein kan dirnak a langhnak a si.

Chin ramkulh SAC nih an rianṭuannak, an meeting lio hmanthlak Online ah an thlah bal lo khan a si. Tutan ah, Chin ramkulh cozah tang ah ummi thawngzamhnak (pian-cia-zi) nih anmah cathanhnak Facebook Page hmang lo in, a chung rianṭuan mi nih, a deu in a thar an ser mi “We Love Chin State” ah hmanthlak cu ṭha tein an langhter dihmi hmuh a si.Cucaah, timh ciammam tein an tuahmi a si tiah kan ti khawh le ruahdamh khawh a si. Cucaah, kanmah le kanmah karlak ah soiselnak hi hrial deuh in, Ralkap SAC a thluak a simi hi kan fian ah a ṭha. A cunglei ah ripawt ding men le vawleipi hmai ah a herh ning bang, Thianchehnak ah an hman ding mi phun a si zong ruah chih a hau fawn.

Mahbel, thil pakhat a um ve mi cu, Ralkap nih an uknak a nun khawhnak hnga ding caah ukkhawh (control), daihter (stable) le ṭuanchuah (implement) timi a dotdot a bawmtu a simi thil ah cun, mizapi lei nih ralrin le fimkhur a hau ve hringhran.Tutan ah, mizapi (netizen) nih social media cahmai ah, mah le mah karlak ah theihthiam lonak le soiselnak silo in, Ralkap nih kan thinlung an kan ṭhencheu duhmi a si timi i fian in, hmailei ralrinnak tu ah hman ah a ṭha ding mi a si. Credit: TCP