RALHRANG NIH AN THLUAK AN CHUAH HOI, AN PHUAN DIAM

Pyi ah sianginn hngah rian soktu hna cu SAC ralkap thuam hrukter in kuan tello meithal an tlaih ter hna. Pago ramṭhen nitlak lei Pyi ah SAC ralkap kuttang um sianginn hngaktu hna caah rian an auh i, cu rian a soktu hna cu SAC ralkap thuam hrukter in kuan tello meithal an tlaihter hna i security an hngahter hna tiah tualchung mi nih an chim.

Thlakhat sing thum in sianginn hngah rianṭuan a duhmi caah rian an auh hi a si, rian an luh cangka in SAC ralkap thuam an hrukter hna.Cun Pyi khuachung no.5 sianginn hauka gate ah security an hngahter hna tiah tualchung mi pakhat nih a chim. Cu bantuk cu kan duhlo, phaisa zong kan pe duhhlah uh tiah rian chuahnak nawl an hal hna na in chuahnak nawl an pe hna lo.

Thlakhat tlin tiang cu nan ṭuan lai, raltuknak hmun hmaisa ah auh nan si ah cun nan kal lai tiah an kan ti” tiin Pyi khuachung ummi pakhat nih a chim. Pyi khuachung no.5 sianginn lampi hmaiah SAC ralkap nih um/kalnak nawl an phih na in sianginn kaimi ngakchia thlah/dong tu hna nih hauka ah SAC ralkap thuam he gate hngakmi kan hmuh hna tiah a chim.

SAC ralkap thuam he security hnaktu kan hmuh hna hi zerhkhat hrawnglawng a si rih, cu hlan ah cubantuk hngah cu a umlo tiah khuami pakhat nih a chim. Relchap .Tha Se Peng, OhTwin Khua Ah SAC Ralkap Le Palik Kut In Tualchung Mi 1 A Thi, 10 Hliam An Tuar. Mandalay ramṭhen, Tharse(သာစည်း) peng Ohtwin(အုတ်တွင်း) khua ah mi bu piin nan um ti ruang ah SAC ralkap nih an kah hna i, tualchung mi 1 a thi, hliamhma pu mi 10 zong an tlaih chih hna, tiah tualchung mi sin in theih a si.

June 9 zanlei ah Tharse peng Ohtwin khua chung ah SAC ralkap le palik an ra i, a bu in phe nan i kah ti ruang ah khua mi hna cu meithal in an kah hna caah khua mi U Ka Lar Kyi cu a nunnak liam. Hliamhma pumi 10 zong an tlaih hna, tiah theih a si.Tharse khuami USDP party chungtel pakhat thah a rak tong bal cang.

Cucaah SAC ralkap le palik nih khuami an hro an cer hna. Atu zong a bu in phe nan i kah ti ruang ah pakhat an thah. Khuami 10 zong an hliamhma he an tlaih hna i, Tharse palik camp ah an chiah hna. Zeiruang ah dah hiti an kah hna ti cu kan hngal kho lo, tiah tualchung mi pakhat nih Khit Thit Media ah a chim. Credit: The Chin Post.