RALHRANG NIH CHIN NUNGAK TLEIRAWL AN KAHTHAH EE

Mindat peng ah kum 17 hngakchia nu SAC ralkap nih an thah.Chin ramkulh thlanglei, Mindat peng ah SAC ralkap nih kum 17 hngakchia nu cu January 9 ah a ruang um lo in an thah tiah theih a si.Mindat peng, Li Lawng khua January 9 zaan ah a rak lut i a kir ṭhan mi Infantry 274 in SAC ralkap pawl nih kah ruang ah kum 17 hngakchia nu a hmun ah a thi i a unu a cal ah aa hliam tiah theih a si.

Khua lonh in zaan ah an rak kir ṭhan i a thi mi hna inn le lam hi aa naih te a si caah lam in an kah hna. A thi mi nu le a unu hi an kut an i tlai i inn hnulei an tlik lio ah an kah hna. A hmai hi lak awk zeihmanh a um lo, a hnar, a ka zong a bauh dih, a kah mi kuan hi a ṭang tang in a pem, a unu hi a cal ah an hneuh” tiah chungkhar he aa naihniam mi nih Khonumthung Burmese ah an chim.

A thi mi nu hi Mahar Thi a si i a pa zong SAC ralkap nih pawṭa an dawh i a zaam zaan ah a fanu an thah hi a si. Mahar Thi ruak thlak lio zong ah minung tlawmte lawng an si tiah theih a si.Li Lawng khua hi Mindat in meng 10 aa hlatnak ah a um i inn 50 hrawng khuasa an si. Credit: TCP

Relchap. SAC Ralkap Nih Camp Victoria Jet Fighter In A Kah Hnu In Mizoram Ah Ralzam An Karh!SAC ralkap nih CNA Camp Victoria Jet Fighter in bomb a thlak hnu in Vanzang tlang khua cheukhat in Mizoram ah ralzammi an tam chin, tiah theih a si.

SAC Ralkap nih Camp Victoria a kah hnu cu raltuknak vanlawng nichiar ti awk in a rat caah khua chung um hi kan thinphang, a bik in Helicopter nih ralkap a rak thlak sual hna lai kan phang, tiah Ralzammi pakhat nih The Chin Post ah a kan chimh.