RALHRANG NIH DR, LIAN HMUNG SAKHONG KONG AN THANH CANG

Ralhrang nih cathanh an chuahmi ah minung 28 tlaih dingin cathanh an chuah. Mah cathanh anchuah mi chungah ah Dr.Sasa le Dr. Lian Hmung Sakhong an I tel ve.Cathanh an an langhter ningah cun, minung 28 hna hi Kawlram daihnak le thanchonak kongah harnak le hnahnawh buainak a chuahpitu an si caah an chungkhar umnak felfai tein a theimi nih kan chim ulaw aa tlak ning in lawmman pek nan si lai.

Ramdang ah a ummi nan si zongah nan umnak ram phaisa in pek nan si thiam lai tiah an ti. Ralhrang nih hi minung 28 hna hi ralhrang riantuannak thazaang petu le buainak achuahpitu an si caah ralhrang tluk in an hmuh ve hna. Tlaih ding min chuah mi hna cu:

Duwa Lashi La of NUG, Mahn Winn Khaing Thanh of NUG, Yee Mon of NUG, Zin Mar Aung of NUG, Dr Sasa of NUG. Dr Zaw Wai Soe of NUG, Dr.Lian Hmung Sakhong of NUG, Aung Myo Min of NUG. Win Myat Aye of NUG. Ei Tinzar Maung of NUG, Khu Hte Bu of NUG, Tin Tun Naing of NUG, Dr. Hkalen Tu Kawng of NUG. Moe Zaw Oo of NUG, Min Ko Naing (public figure), Yemin (public figure)
Pancelo (Public figure).

Ja Htoi Pan of NUG, Min Zayar Oo of NUG, Lwin Ko Latt of NUG. Myo Yan Naung Thein (public figure). Naing Kaung Ywat (public figure), Shwe Pung (public figure), Rosy Aung (public figure). Po Pyo Thant (public figure), Myat Kyaw Thu (public figure). Khini Mar Mar Cho (public figure). Khin Hnin Kyi Tha (public figure).

Thawngpang dang Relchap. Ngaih a chiatuk e, ralhrang nih kumruk hngakchiate an kahthah. Magway ramthen Paoh peng, Kyapitkan khua ah ralhrang hna cu nizan ah an lut i, ningcang loin hriamnam ngan in khua an kah ruangah kum ruk lawng asimi hngakchia nute cu kuanfang nih a khanh caah a nunnak a liam tiah khuami nih thanhnak an tuah.

July ni 28 ah ralhrang kawlralkap hna nih khuachung ah kahdohnak zong a um lo nain hriamnam ngan an kah i khuachung ah an lut. Khuachung dihlak ti awk ah hriamnam ngan an kah ruangah khuachung mipi zong hliam an tuar hna. Cun kumruk hngakchia nute hi hriamnam ngan nih a khanh caah a nunnak a liam tiah theih a si.

Hriamnam ngan an kahmi pakhat hi inn cungah a tla i a puak. Mah ruangah a tubantukin hngakchia nute a thih hi a si. Tuni ah ralhrang kawlralkap hna nih khua zong an khangh. Athimi nute hi Ko Zaw Naing le Tin Sui Oo fanu မသိမ့်သိမ့်ဖြူ a si. Hriamnam ngan ruangah hngakchia he upa he hliamtuarmi zong an um tiah an thah chih.