SAC nih june 2 thok in Basic Education Sianginn on a timh mi kong ah Zomi Political Coordination Committee (ZPCC) le Zomi Revolution Army (ZRA) Eastern Command nih dirpinak le cohlannak cathanh cu May 30 ahkhan a chuah.2022-2023 Cacawnkum ah KG in Grade 11 tiang cawn ding tiah NLD Cozah nih an rak thlen mi ning in cawn a si lai caah hmailei ah ram le miphun caah a ṭhathnem mi a si lai tiah an langhter.
Zogam (Zomi) ram chung siangngakchia hna nih hmailei i ram le miphun caah arfi nan si bang kum 2 chung ca nan cawn khawh ti lo mi sianginn an van on ṭhan caah Sianginn kai lo in um hrimhrim hlah uh, nan thiamnak dihlak chuah in i zuam chin ko uh tiah forhfialnak zong an langhter chih.Cu lawng siloin mizei bantuk le zeibantuk phu hmanh nih Zogam ramchung ah Sianginn hrawh le kah lo ding.
Cachimtu (saya/ma te) le Ngandamnak lei rianṭuantu le Cozah rianṭuantu hna ṭhihphaih le hrocer lo ding in kan in theihter hna. Cu bantuk a tuahtu phu le minung cu a herh ning in hmalak an si lai i a herh ahcun cozah he ṭangṭi in hma kan lak lai tiah an langhter.Crd; The chin post
Relchih.Kani pengah lunghring phortu tilawng hngahpah in hmunhma zohfelnak a tuahtu SAC ralkap hna cu kah an ton caah 30 hrawng an thi tiah theih a si. May 31 zinglei suimilam 7:00 hrawng ah kahdohnak a chuak i, chunhnu ah SAC ralkap nih van lei in kahdohnak an tuah ṭhan tiah Kani People’s Defence Force-KLG in ṭuanvo ngeitu nih a chim.
Kani in lunghring a phortu tilawng hngahpah in hmunhma zohfelnak a tuahtu SAC ralkap hna he kahdohnak a chuak, SAC ralkap hna cu tualchung hriamtlai phu lei phu 5 fonh nih kan kah hna. SAC ralkap nih drone he an kan doh caah kanmah lei minung 4 nih hliamhma an tuar.
SAC ralkap hna nih cun khuachung mi 7 cu ralphaw ah an tlaih hna caah bomb puahhnawh lo in hnu kan tolh, kan mit hmuhnak ah cun minung 30 hrawng cu an thi,” tiah KLG in ṭuanvo ngeitu nih a chim.Cu kahdohnak ah cun KLG-PDF hruainak in Naga Ngyinawng, Yoemah Fighter le MPDF phufonh nih an kah hna tiah theih a si.
Leave a Reply