RALHRANG PALIK CAWL MANH LOIN MINUNG PANGA AN THAH HNA

Thawngpang ttha taktak a chuak tthan. Duty Caan Aa Thleng Ding Palik PDF Nih An Kah Hna I, 5 An Thi. Sagaing ramṭhen, Kani in Yelaykyone khua ah security congh thlen ah a kal mi SAC palek hna cu May 8 zing Sml 9 ah PDF nih rak bawh in an kah hna i, palek 5 an thi, tiah Kani People’s Defense Force-KLG ṭuanvo ngeitu nih a chim.

SAC palik lei ci minung 30 fai an si, kahdohnak ah 5 an thih lengah hliam tuar zong an um. SAC lei nih hriamngan in an kan kah ve i, hriamngan kuan pawl zong kan pawngkam ah an tla. Kannih lei in kutser sniper le thalpaak in kan kah hna,” tiah Kani People’s Defense Force-KLG ṭuanvo ngeitu nih a chim. Sagaing ramṭhen chung ah Kani region hi PDF an ṭhawn i SAC ralkap tampi an thihnak hmun a si.

A luancia April 22 ah khan riancaw chanh ah a kal mi SAC ralkap hna cu DRPA le ṭangrual phu nih an rak kah hna i SAC ralkap pakhat a thi i, 4 hliam an tuar. Cun, April 6 ah khan KLG PDF sin ah CDM a tuah mi ralkap pakhat cu Thonggyi khua kahdohnak ah SAC ralkap tlaih a rak tong i cu hnu tlawmpal ah an thah.

Cabia dang. Ka Sian Lo Miphun Dawtu Pasal Ṭha. Lei ah par nolh ṭhan um ti lai lo, Aw reng chuah in tlang sang khin, Thang in au in kio len hmanhah, Miphun caah nun pe ka dawt nih Rak thei in kir zai a rel ti lai lo. Vaute thla a dih cang lai kaw, Biangreithlep thla chuah cun Lungthli kan tum tlin lai hngak in,

Chungkhar nuam ser ding saduhthah hna, Atu ahcun mitthli men ah cang ai hna, Fanu fapa pomcawi ding le Zeitik hmanhah kal tak lo ding, Bia phunza na ka tiam kha, Thlan khur chungah naa luhpi dih hi, Na lung sia a rem ko lai maw ka dawt, A fak tuk maw ka dawt tiin Domhtlaih len zong kan duh si, Ziah pasal can cuh loin, Donghnak anbia cah ta loin.

Na liam sia a rem hrim ko lai maw? Chikkhat te tel in run kir ṭhan ko, Tiin kan auh len zongah Ka aw hna na ngai ti lo, Ka dawt kaa lungsak khawh ṭung lai lo. Ral hmun kuan le zen lak zongah Thawngthanh le aanbia loin, A sia a rem lomi na si ko ah, Zungzal chonhbiak lo ding hi, Na ruah khawh ko maw ka dawt, Ral tuknak hmun na um zawn ah, Tuni ka thih ni a si cang na ti tawn ah, Miphun dawtu ngaknu ka si tiin,

Lungcan ka pek caan a tam si, Hi bang zungzal ṭang ṭhen ding cu, Ka ruat kho lo ṭa hniang, Nusal a si tiin nang loin, A tlei kho ko lai na ti maw? A ṭha ko lai na ti maw? A ngam ko lai na ti maw? Ral ram na ka kal tak peng kha? Keimah nakin miphun na dawt deuh tiin, Vuivai len awk nih le ṭha lo ka dawt. Kan tum van sui khua tu khin, Nupi ṭhi tlangval thuam he ka dong te mu. Credit: Nunu Biazai