RALHRANG RUAK LAWNGTE A KHAH BAK IN A KHAT

Kayin Ramkulh Kahdohnak ah a Thimi SAC Ralhrang pawl Hmanthlak an Langhter. Kayin ramkulh, Myawaddy peng, Ukayihta kahdohnak ah a thimi SAC ralhrang hmanthlak pawl cu KNU/KNLA tang ah a ummi COBRA ralkap bu nih nihin ah an langhter.

Kan hnu June 26 thawk khan Ukayihta ah a ummi SAC ralhrang sakhaan cu KNU/KNLA ralkap pawl nih an doh i SAC ralhrang nih vanlawng le helecopter tiang in an hman. Nihin July 4 tiang ah SAC ralhrang sakhaan an lak khawh le lak khawh lo thawng fiang theih a si rih lo.

Relchap. Yinmapin peng, BanbBoi khua ah umhmun a khuarmi SAC ralkap le PyoSawHtee hna cu July 3 zanlei Suimilam 4:00 hrawng ah mizapi vengtu ralkap hna nih Bomb in an kah hna i a tlawmbik 10 cu an thi kho tiah People’s Defense Force Kani KLG phu nih an chim.

BanhBoi khua cu PyoSawHtee hna nih ukmi khua an si i khuami hna cu phaisa an hal, inn hna mei an duah caah mizapi vengtu ralkap phu hna nih an kahdoh hna hi a si. Cu kahdohnak cu Nakaa NgiNuang phu he hmunkhat ah aa bawm mi KLD PDF ( Kani), Alpha Force ( Salingyi) Spring Guerrilla Platoon ၊ Yoma Fighter (Yinmarbin PDF), Yatana Pung, A Mih May, Batta (LPDF ) le Bu MokSik(LPDF) hna i bawm in an tuahmi kahdohnak a si. TCP