Ralhrang um hmun an khuarnak cu PDF nih an kah hna. Tamu khuachung Sawbua sang, Zu chuannak sehzung ah ralhrang kawlralkap hmun a khuarmi hna cu Tamu PDF nih Nizan May ni 14 ah an kah hna tiah theih a si. PDF nih ralhrang kawlralkap an kah hna hi suimilam pakhat chung hrawng an kah hna.
PDF hna hi Tamu PDF in Battalion 4 an si hna. Ralhrang kawlralkap lei thaazaang an chap caah PDF cu hnu an kir. I kahdohnak ah PDF ralkap lei in a nunnak liammi le hliam a tuarmi an um lo. Hi konghe pehtlaiin khuami pakhat nih a chimmi cu zingka ah hriamnam puah thawng kan theih.
Ralhrang kawlrlakap pawl umnak a si tiah an chim. Asinain hohmanh kan chuak ngam lo tiah khuami pakhat nih a chim. Kahdohnak ah ralhrang kawlralkap lei a thimi le hliam tuar an um le um lo theih asi lo tiah PDF lei in tuanvo ngeitu pakhat nih a chim.
Thawngpang dang. Tutan thawngpang cu lung a hmui ko. PDF lei in a nunnak a liammi pakhat hmanh an um lo. May ni 14 rampi huap kahdohnak ah ralhrang kawlralkap minung 133 an thi. Lung ahmui tukmi cu mipi ralkap lei in a thimi an um lo. Nizan May ni 14 kahdohnak a chuah nak hmun le an thihnak hmun an langhter mi hna cu a tanglei bantuk in an thanh hna. Nizan May ni 14 Tantaungkyi kahdohnak ah ralhrang kawlralkap lei in minung pahnih an nunnak a liam. Cun Yesacu kahdohnak ah ralhrang kawlralkap minung 30 an thi.
Culawng siloin Myaing kahdohnak ah ralhrang kawlralkap panga an thi i, Phekhung i kahdohnak ah ralhrang kawlralkap minung panga an thi. Kuatkhaing i kahdohnak ah minung panga an thi. Cun Mingaladung kahdohnak ah ralhrang pahnih an thi i, Monywa le Kalay kar i kahdohnak ah ralhrang minung 15 an thi. Falam peng i kahdohnak ah minung 12 an thi. Pule i kahdohnak ah minung 13 an thi tthan.
Shwebu kahdohnak ah ralhrang kawlralkap minung paruk an thi. ChaungOo kahdohnak ah ralhrang kawlralkap minung 20 le Aindawkyi i kahdohnak ah ralhrang kawlralkap minung 18 an thi. Nizan rampi huap kahdohnak ah ralhrang minung 133 an thi i, mipi ralkap athimi an um lo.
Leave a Reply