Nat Inn khua Ah Pyusawthi Hruaitu Pa Nih Kum 8 Hrawng Siangngakchia Nu A Tlaihhrem. Sagaing ramṭhen, Kanbalu peng nichuah lei meng 4 hlatnak Nat Inn(နတ်အင်း) khua sianginn ah, SAC ralkap he umhmun khuarmi Pyusawthi hruaitu pa nih kum 8 hrawng siangngakchia nute a tlaihhrem tiah Infinity Group nih an thanh.
Nat Inn khuami kum 8 hrawng siangngakchia nu taang hnih kai liomi cu, an khua pa Pyusawthi hruaitu (kum35) Shwe Ba nih June 6 ahkhan a sualpi, tiah Infinity Group nih an langhter. Pyusawthi an umnak sianginn chung ah ngakchia nu te cu a kalpi i a tlaihhrem. Khuami an thin dam deuhnak dingah SAC ralkap pawl nih Pyusawthi pa cu, voikhat hnih an tuk, an velh.
Nat Inn khua cu Pyusawthi an tam tuk caah sianginn an kai dih. Asinain tlaihhrem a tongmi ngakchia nu belte cu siangin an kaiter ti lo,” tiah tualchung mi pakhat nih a chim. Siangngakchia nute tlaihhrem a si kong thawngpang cu a thang sual lai ti an phan tuk caah SAC ralkap nih ngakchia nute chungkhar hna cu, kyats sing 30 in an nawl hna, tiah Infinity Group nih a langhter chih. Nat Inn khua ummi SAC ralkap cu 3 hrawng lawng an si i, a dang cu Pyusawthi lawngte an si, tiah tualchung mi hna sin in theih a si. TCP
Thawngpang dang. Tuzing ah ralhrang kawlralkap uico rual nih khuami minung 20 an tleih hna. An zaamnak ah an dawi hna i, tamtuk an tlaih hna ti a si. Magway ramthen Yesacu peng, Taytaw khua ah ralhrang kawlralkap cu tuni zing suimilam paruk hrawngah an lut i, khua an khangh pin ah minung pakul hrawng an tlaih hna. Hi konghe pehtlaiin khuami pakhat nih a chimmi cu tukdohnak zong a um lo. Khualuhnak ah hriamnam ngan an kah. Khuachung ah cun a si lo. Khuachung an luh ah meithal an puah pin ah hriamnan ngan zong an kah.
Khua an khangh i, khuami hna cu an zam hna tiah a chim.Ralhrang hna nih khuami a zammi hna cu ramtang ah an dawi hna i an tlaih hna. Atu tiangah ralhrang kawlralkap hna nih an tlaihmi hna hi minung 20 cu an si ko lai tiah a chim. Hi khua hi inn zathum hrawnghrang an umnak a si i, minung thonghnih hrawng an umnak a si. Inn a kaangmi zong zeizat ti theih a si rih lo tiah an chim.
Leave a Reply