RALHRANG UICO PAWL AN MAH LE ANMAH IKAP TAM NGAI ANTHI

Tanintharyi ramṭhen Bokpyin peng khah-mah-yiah 585 ah May 29 zanlei ahkhan SAC ralkap anmah le mah karlak kahdohnak a chuak i SAC ralkap 3 an thi, tiah tualchungmi nih an chim.May 29 zanlei ahkhan khah-mah-yiah 585 in SAC ralkap 4 nih a dang SAC ralkap hna cu an kah hna caah minung 3 an thi i, Meithal a kap hmasatu SAC ralkap 4 cu meithal 1 he an zaam.

Cu a zaammi hna chung in ralkap 3 cu Karahturih(ကရသူရိ) khua pawng ah anmah SAC ralkap lila nih an thah hna i, a dang pakhat cu meithal he a zaam caah SAC ralkap nih an kawl, tiah tualchung mi nih an chim.Khah-mah-yiah 585 cu Kayin ramkulh kahdohnak chungah hmaifong in a ummi an si.

Cu ka kahdohnak hmunah a thimi an tamnak ralkap phu pakhat zong a si. SAC ralkap bawi pakhat zong KNLA sinah a hriamthil he a rak i fonh. Anmah SAC ralkap phu chung ah i theihthiamlonak le i dohnak a um tawn tiah theih a si.Crd;The chin post

Relchih.Palik Bawi(Duh-tat-kyat) Nu pakhat a min Victoria tiah hngalh minu, kum 25 cu KDF sinah aa fonh tiah KDF nih a thanh. Victoria private number cu lah-272817 a si i, SAC ralkap tuahsernak ṭha lo vialte ah lungtlinnak a ngeih khawh ti lo caah lam phunkip kawl in a chuahnak hi a si. June 2, zinglei ah Victoria cu KDF sin ah a lut i, a himnak hmun ah kalter a si cang, tiah theih a si.

SAC ralkap kuttang um ralkap le palik hna nih mizapi sin ah hriamthil he nan i fonh ahcun sing 30 pek nan si lai. Hriamthil nan i put khawh lo zong ah nan himnak ding caah tawlrelpiak nan si lai, tiah Karenni Democratic Front (KDF) nih a thanh.

Ayardaw Pengchung Khua 3 Ah SAC Ralkap Nih Inn An khangh Lengah Khuami 12 An Thah Hna!: Ayardaw pengchung khua 3 ah May 29 le 30 ahkhan SAC ralkap nih mizapi umnak inn an khangh lengah khuami 12 hrawng cu an thah hna tiah tualchung mi nih an chim. Inn khanghpiak a tongmi khua hna cu – Titcho(သစ်ချို), Shwedwinkung(ရွှေတွင်းကုန်း) le Hinta(ဟသ်ာ) khua hna an si i, inn 138 a kaang, tiah theih a si. SAC ralkap nih an thahmi minung 12 ah 11 cu Hinta(ဟသ်ာ) khuami an si i, pakhat cu Titcho(သစ်ချို) khua in a si. Titcho khua in thah a tongmi pakhat cu a lu ah meithal kah a si lengah a ruak ah nu hni an venhter tiah theih a si.