Ralzaam Hna Caah US Luhkhawhnak Lam Thar .Pu Biden cozah nih ralzaam hna caah US luhkhawhnak lam thar (Pilot Program) pakhat a siam. Cucu US rammi (US citizen) asimi nih sponsor in auh khawhnak lam asi. Hi Pilot Program tang ah US State Department tawlrelnak in Welcome Corps tiah a min an bunh i September 30, 2023 hlan ah ralzaam minung 5000 (thongnga) laak khawh ding in timhtuahnak an nei.
Hi program cu a rauh hlan ah an thawk lai tiah theih asi. Hi Welcome Corps program ahhin US rammi (US citizen) a tlawmbik minung 5 an i bawm lai i ralzaam minung pakhat caah a tlawmbik US $2275 an chuahpiak a hau lai ti si. Cun hi auhnak program cu US nih ralzaam a laak tawn hna ning bantuk (the US Refugee Resettlement Program) ning in US ah luhter asi lai.
A fawinak in chim ahcun tahfung an tlinh hau (eligible na si hau). Na konglam dothlatnak (background check) ah na thianhlim hau tinak asi. Cucu Lahwakah (DHS) interview khi asi tawn.President Biden nih kum 2022 – 2023 fiscal year kum khat ( 30 September 2022 – 30 September 2023 ) caah ralzaam minung 125,000 laak ding tiah min a thut cang nain December 2022 tiang ah ralzaam 6750 lawng an laak khawh rih tiah theih asi.
Hi zawn ah theih dingmi cu ralzaam (refugee) ti asi caah UNHCR nih ralzaam ah a cohlan cangmi siloah ralzaam sinak a hmumi (refugee status) lawng si dawh asi. Cherhchan (Source): Fox news, Reuters. Crd : Ceumi Lian
Relchap.Thawngpang tthatuk. Tamu ah Election Commission zung cu mipi ralkap nih an khangh. Ralhrang nih thimnak tuah an timh ruangah Tamu i, thimnak zung cu nihin January ni 19 zing suimilam 9:50 hrawng ah mipi kilvengtu hna nih an khangh tiah theih a si.
Hi konghe pehtlaiin Mipi ralkap lei tuanvo ngeitu nih a chimmi cu ralhrang nih ningcang loin thimnak tuah an timh ruangah thimnak ca ah a harhmi ca an chiah pawl le an zung cu khangh a si tiah a chim. A hman lomi thimnak kan cohlang lo. Biatak tein kan doh lai.
Thimnak ah aa telmi si hnaseh, inn zong kan hrawh lai. Cucaah ABSDF tatyin 5 Tamu le Lobal Defense Force Tamu hna nih Tamu thimnak zung kan khangh. Hohmanh minung a thimi an um lo tiah a chim. A harhmi ca le zung an khangh hnu ah mipi ralkap hna nih an tlik tak.
Ralhrang pawl nih meithal in an kah hna nain hohmanh hliamtuar le a nunnak a liammi an um lo. Tamu ah hin thimnak caah mipi min cazin an la rih lo nain timhlamhnak an ngeih cuahmah lio a si. Ralhrang hna nih thimnak tuah dingmi ah hmun tthenkhat ahcun cazin an lak cang tiah theih a si.
Leave a Reply