RALZAM KAN FALE NIH KA HMAI AN KA HNGALTER

Ralzam kan fale nih ka hmai an ka hngalter, Maths test an tuahnak ah full marks a hmumi Laimi ka fale lawng an si, 1. Bawi Tha Sung , d/o pu Lian Kung, 2. Ngun Za Thluai Lian d/o Dawt Lian Egan, 3.Ngun Cer Hnem d/o pu Peng Uk Thang, 4. Ram Bawi Ceu s/o pu Ceu Pen, 5. Tha Bawi Chawn s/o Chan Rem, 6. Lal Cung Lian Mang s/o Pu Luat Thiang.

Lainu helping hand “timi bu nih Sianginn chungi a riakmi kan siangngakchia 67 caah meh man Rs 10000 an rak kuat hna i tuzanlei cu KFC kan dangh hna lai, an i ngaih tuk. ka fale pawl cu bia an ngai, tei an rial an fim i ka hmani a hngal, thla camnakin rak kan bawm cio uh, hmai lei kan ran sersiamtu ding Vapual chuan tete ( Kawl holh le holh dang a telh ti lo ding ti bia), an si hna. Lai ca/Lai holh zong kan chimh chih hna lai, taang 10 “ A” an test rih lo. Credit: Vapual Thawng.

Thawngpang dang. Tedim peng, Laitwe khuami 2 bom lam sual ruangah pakhat nunnak a liam. Chin ramkulh, Tedim peng, Laitwe khua, Linton tlang pawng, May 2 ah khuami 2 bom an i lam sual caah pakhat a nunnak a liam i pakhat aa hliam tiah khuami hna nih an chim. U Thang Lian le U Sum Lian cu an sia a tlau i an kawlnak ah a tu bantuk in bom an i lam sual hi a si i U Thang Lian cu a hmunhma ah a nunnak a liam colh,

U Sum Lian cu a hma ruangah Mizoram ah aa thlopbul lio a si tiah khuami pakhat nih RFA ah a chim. Laitwe khua pawng i Linton tlang pawngkam ah SAC ralkap gate a rak um i CNF he kahdohnak a fah tawnnak hmunhma a si caah bom hna an phum tawn tiah khuami hna nih an chim.May 1 zongah Falam khua pawng, Rih lam pawngah khuami pakhat bom lamh sual ruangah hliamhma a rak tuar,

April thla chung zongah Linton tlang pawngkam ah caw pakhat bom lam sual ruangah a rak thi ve.SAC nih hramhram in uknak lak hnu, Chin ramkulh chungah bom lam sual ruangah mipi 9 an thi i 19 nih hliamhma an tuar tiah Chin Affairs Federation khomhsuatmi cazin in theih khawh a si. Credit: The Chinland Post.