Kalaymyo chak lei ralzaam umnak camp ah a ummi minung pali hna cu ei sual ruangah minung pali sizung an phan. Kalaymyo chak lei ralzaam umnak sakhan pakhat ah minung pali hna cu May ni 31 ah khan i ei sualnak ruangah rianrang in sizung ah kalpi an si.
May ni 31 zaan ah khan Patlung le, Daangte kio le Tainamkawng par an ei i, rianrang in sizung ah an kal pi hna. Acaan te ah sizung an phak khawh caah an dih lak in an dam cang hna tiah theih a si. Ralhrang kawlralkap hna nih internet line le phone line an phih hna.
Za Bawi Thawng Cabia. Palh chap than ti lo a biapi!Tutan kan ram dothlennak cu kanmah chan ah a voi khatnak kan tonmi a si. Cu tikah, ka tuanmi rian hi a sen maw a nak hme ti hmanh kan thleidang thiam tawn lo. Micheu cu dothlennak nih a chuahpimi reng sangsang hna kan van i khinh, kan liang cung cio a phak tikah zeitin kan phurh lai i zeitin hmailei ka kalpi lai ti hmanh kan thiam tawn lo.
Tuan, Cawn,Hmuh, Ton bal lomi rian lawngte a si tikah kan hmaika ah le Ningzah, Mualpho, Tisual, Chimsual palhnak phunzakip nih a rak kan hngah peng ve! Minung cu ahopaoh aa palh pengmi le aa palh kho pengmi kan si hna. Jesuh dah ti lo. A luancia caan kan palhnak cu kan remh than kho ti hnga lo, nain palh chap than ti lo ding cu kan tuah khawh ciomi a si.
Cu ‘CHAP’ than ti lo nakhnga kan palhnak zong kan i theih i kan pom a hau ve. Palhnak a thei i aa pom ngammi cu remh than duhnak lungput a ngeimi le palh chap than ti lo ding a vengmi an si hna i mah cucu mizei paoh zong nih ngaithiam khawhmi a si. Ka palh ko ti aa theimi nu zong cu Jesuh zong nih sual a rak phaw ve lo. Nain, a sual bel va sual ti hlah tiin a rak ti (John 8:7). PALH cu minung kan nunnak ah a phung si ko. PALH CHAP’ than lo tu kha a biapi.(Written with one side concept ). Credit: Za Bawi Thawng.
Leave a Reply