Ralhrang hruainak tangah Federal rampi dirh kan i ruahchan ko tiah an chim ko cang. Ralhrang kawlralkap lutlai Min Aung Hlaing nih tlangcung hriamtlai pawl tonnak ngaih dingin sawmnak a tuahmi ah cohlannak a tuahmi phu 10 an um. Cu chungah RCSS zong an i tel ve i, a tanglei bantuk in mipi sin ah an chim.
Thanhnak an tuahmi cu Mah khuakhan lairelnak tlamtling a simi cu Federal rampi dirkhawh a si lawngah mipi duhmi mahte khuakhan lairelnak a um lai i, thlennak a um lai. Cun remdaihnak he a khatmi ram thangcho kan dirh khawh lai tiah zumhnak kan ngei tiin an langhter. Hi bia an thanhmi kongah ram mipi nih atanglei bantukin an ti ve.
RCSS nih ralhrang hruainak tangah Federal rampi dirh khawh asi lai tiah an ka in an langhter lo nain an cathanh zohtikah ralhrang he Federal rampi kan dirh lai ti a sawh ko tiah an ti. Mipi nih lehnak tete an tuahmi tampi hmuh a si. Tulio hriamtlai hna nih ralhrang an doh cuahmah lio ah hibantuk in ralhrang i rinhchanh ngam cu zeibantuk lungput hme an ngaih tiah an ti.
Tutan Min Aung Hlaing sawmnak ah tel aa timmi hna cu DKBA (Democratic Karen Benevolent Army), KNU-NLA/PC (Karen National Union/Liberation Army – Peace Council), PNLO (Pa-Oo National Liberation Organization), NMSP (New Mon State Party), ALP (Arakan Liberation Party), RCSS (Restoration Shan State Council), LDU (Lahu Democratic Union) le (non-NCA) UWSA (United Wa State Army), NDAA (National Democratic Alliance Army – Manglar), SSPP (Shan State Progress Party) hna an si tiah theih asi.
Thawngpang dang. ASIAN hotu simi Cambodia ram vuancichoh Hun Sen nih faak ngai in Myanmar ram cu rammi nih an hrawh tiah a ti. Daihnak taktak an duh lo. Daihnak taktak an duh ahcun zeiruang ahdah Min Aung Hlaing sawmnak hi an cohlan lo tiah a ti.Kawlram uknak a lami ralhrang bawizik Min Aung Hlaing nih tlangcung hriamtlai (EAOs) hna cu daihnak tonbiaruah ding in sawmhnak ttha tein a tuah ko hna.
Nain an i tel duh lo. USDP Thein Sein chan lio ah NCA minthu mi zong an kai duh lo. Ka khuaruah a har. Daihnak taktak an duh lo.Cucaah Myanmar ram i an rammi minung nih an hrawh. Hriamnam an tlaih i Min Aung Hlaing heh tiah an dohmi hi ka lung an hring cang. Min Aung Hlaing nih ttha tein tlangcung hriamtlai (EAOs) hna cu daihnak kong bia kan i ruah hna lai a ti i, tlangcung hriamtlai phu 5 hrawnghrang te lawng nih an cohlan.
Tlangcung hriamtlai phu hna he ttha tein daihnak kong tonbiaruahnak ngeih ding timi hi ASEAN nih ttha tein Min Aung Hlaing kan forhfialmi a si. Daihnak kong ah tonbiaruahnak nan ngei lai. Cun thimnak zong ttha tein na tuah lai tiah kan timi si. Cucaah mah tonbiaruahnak ahhin zeihmanh lunghrinhnak a um loh. ASEAN hruaitu hna nih ttha tein kan ruah i a tthabikmi kan timi si tiah Cambodia vuancichoh Hun Sen nih American a phanmi hna Cambodia rammi hna sinah 2022 Biangreithleip 12 ah tonnak an ngeih lio ah achim tiah an ti.
Leave a Reply