CNA nih Myone le Township a kenkip le hmunhma tam nawn ah ral an doh I ral an khaam cuahmah,heh tiah mithar training an pek pah cuahmah hna hriamnam le kuanzen cu hun chim lo zingzan ca din le ei hmanh ahhin a dihmi a tam ko,ral voikhat kah hmanh ah kawl Phaisa in ting zaza in a dih.
Cucaah cun ramkip Chinland Club nih thlakhat $100 a kholhmi ah Phaisa thawh kan daithlaan cio sual ahcun kan i ruah loning piin harnak kan tong kho ti hi kan philh loawk ah a biapi ngaimi a si. Van ruah chih awkah a tha ngaimi cu Nai Gangaw le Hakha kar kahdohnak hmanh ahkhan $ a tingting bakin an dih ti si. Credit: Salai Tial Thawng.
Thawngpang dang. CNA ralkap le Council ralhraang an i kah hnu ah ralhraang nih Ramthlo khua inn 10 an khangh. 2022 May 4 zinglei sang ah Falam Peng, Ramthlo le Dokthek khua kar ah CNA ralkap le council ralhrang karlak ah kahdohnak a chuah hnu zaanlei suimilaam 1:30 tluk ah ralhraang nih Ramthlo khua inn 10 ciam dihlak in an khangh tiah thawng kan theih.
Ramthlo mino upa pakhat nih, Inn a kaang mi hi dum i dawr an tuahnak inn he telh in a dihlak ah inn 10 a si. Atu an khanghnak hi Hakha lei in rak luhnak motor lamkam inn pawl an si, tiah THP ah a chim. Tu chun kahdohnak ah CNA ralkap lei hliamtuar le nunnak liam mi an um lo. SAC ralhrang lei a thi mi an tam tiah theih a si nain zeizat set an thi ti mi kan thei kho rih lo. Credit: The Hakha Post.
Leave a Reply