Saya Rual Uk cu Online debate a duh lo natein online ah a holh kho ngai kha teh. Kei mi hi ka zuamcawh sawh sawh bal lo. Mi a zuamcawh hmasa mi cu saya Rual uk hi a si. Bia a chimhnak paoh paoh ah UPC min le Oneness min hi a tenh peng. Ngakchia a debate lio ah kan Pu Ralbuai leh UPC min chimh bakin a holh, Samuel kha UPC aiawh a silo, an personal debate si.
Tutan ah Laipa Kutzung nih a live lio break times ah chikhat te ka vun ngai ve i, Oneness hman mi Bible hi kan Bible a si, Bible an ngeilo tiah a ti. Bible Genesis in Malaki tiang, Pathian pakhat lawng lawng a bia mi Israel mi hna Ca-Uk a si. Cun Biakam thar Mathai-Biathlam tiang hi Israel Pathian biaknak kaltakin Jesuh lawng lawng a zumh mi Lamkaltu hna CA-Uk a si.
Lamkaltu hna nih cun Israel Pathian kha Jential Pathian hi a si ve tiah an cawn piak hna, Rome 10: 12. Rome 3:29-30 Israel mi hna nih Pathian hi Fapa ah a rat khawh an zumh lo caah an Pathian pumsa in a ra mi kha jentail hna sinah an pek. Luke 1:68, Mark 10:33. ( Oneness pawl nih Pathian ah MI pakhat a ti lengmang mi hi a lih a si, MI Pathian or Pathian Minung kan bia bal lo.) Pathian nung pakhat Holy One of Israel Pathian Emanuel kha kan biak. Pathian dawtnak in kan dam a si ah cun a duh ning tein a duhnak hmunah ka va tawn te lai. Credit: Sui Maung
Thawngpang dang. Sagaing Ramṭhen, Kankai Khuami SAC Ralkap Kut In A Thimi Ruak 7 Hmuh A Si, Inn 145 An Khangh: Sagaing ramṭhen, Depeyin peng, Kankai khua cu SAC ralkap nih an khangh i, Inn 145 a ciam, khuami minung 7 zong an thah hna, tiah tualchungmi pakhat nih a chim.Innlo an khangh pinah hin an cinthlak pawl le an seh thilri pawl zong an khangh dih i, khuami ruak 7 zong hmuh a si.
Cu lawng siloin Sawphyo khuami le Kankai khuami hna cu SAC ralkap nih ralphaw ah an kalpi mi hna zong atu tiang an thlah rih hna lo, tiah Depeyin peng Nyi Naung phu in rianngeitu pakhat nih a chim.Nihin August 7 zong ah Ayardaw peng Kaungthit khua cu SAC ralkap pawl nih an khangh i, a langtlang lawng in hmuh khawh a si caah inn zeizat dah a kangh fiang in theih khawh a si rih lo.
Relchap.Yangon Ramṭhen Laak Khawh Ding In kahdohnak Kan Tuah Lai, Tiah Pyituh Brigade Nih An Thanh! Yangon ramṭhen chung hriamtlai phu hna nih ṭangrual in an dirhmi Pyituh Brigade nih cun, SAC ralkap pawl cu dot thum in kan doh hna lai i, Yangon ramṭhen laak ding in kan i zuam lai, tiah August 7 i zoom biaruahnak ah chinphuannak nawlngeitu nih a chim.
Yangon ramṭhen laak khawh ding in kan i zuam lai. Cu thil kan tuah khawh nakding ah cun kahdohnak ningcang tein tawlrel a si. Yangon ramṭhen um SAC ralkap hna cu dot thum in kan kah hna lai. A voi khatnak cu Rosy Wave tiah min pek a si, Rosy Wave ah cun faak tuk loin kan kah hna lai. Puahkehnak ti bantuk hmang in doh an si lai. A dot hnihnak cu Eagle Wave tiah min pek a si i, Rosy Wave nakin faak deuh in kan cawlcaang cang lai. A dot thumnak cu Dragon Wave tiah min kan pek i, a dot thumnak ah cun Yangon ramṭhen laak ding tiang in kan kah cang lai,” tiah chimphuannak nawlngeitu nih cun a chim.
Atu tiang ah cun Rosy Wave chung tiang lawng cawlcanghnak tuah a si rih i, a rauh hlan ah Eagle Wave dot in kahdohnak kan tuah cang lai, tiah Yangon ramṭhen Pyituh brigade in chimphuannak nawlngeitu nih cun a chim chap. Yangon ramṭhen Pyituh Brigade phu cu April thlachung ah hriamtlai phu 16 i fonh in dirhmi a si i, Justice Lady Mission min in a luancia June 27 ah cawlcanghnak an rak tuah. August thlachung zong ah cawlcanghnak voihnih an tuah cang. Credit: The Chin Post.
Leave a Reply