Rihkhawdawr camp nihnih chung an kah. Nihnih i kahnak ah CDF lei in a nunnak a liammi le hliamtuarmi an um lo. Hi konghe pehtlaiin CDF Hualngoram nih thanhnak an tuahmi cu, Rihkhawdawr camp ah a ummi ralhrang kawlralkap hna le kan ralkap hna cu nihnih chung an i kap. Ni 25 ah voikhat an i kap i ni 26 ah voikhat an i kap tthan.
Hi tukdohnak hi ralhrang hna nih sualnak ngeilo an thlai thah mi minung pali hna lehrulhchamnak caah tuah mi a si. Kan ralkap hna nih an kah hmasa mi hna an si. A nikhatnak i kahnak hi chunhnu suimilam pahnih le suimilam pathum karlak ah a si i, minute 40 hrawnghrang an i kap.
A nihnihnak zong chunhnu suimilam hleihnih le suimilam pakhat karlak ah a si i, minute 20 hrawng an i kap. Ralhrang umnak camp chungah kan ralkap hna nih bomb ngan in an kah mi a lut ngaingai. Cun meithal kuan zong tam ngai a lut rih. Asinain ralhrang a thimi le hliamtuar zat theih a si lo. Vuihnih i kahnak ah kan ralkap lei in nunnak a liammi le hliamtuar mi an um lo. Him tein an i timhmi an tuah khawh tiah an thanh.
Thawngpang dang Relchap. Ralhrang Kawlralkap hna nih thong chungah an thah thlaimi Jimmy le a hawi konghe pehtlaiin Chinmi or Laimi nih kan i bochan taktak mi Pathian rianttuantu Dr, Thlaawr Bawihrin nih mipi sin ah a vun langhter. Dr. Thlaawr Bawi Hrin nih a timi cu hi thahnak nih hin teinak caan a nai cang timi alanghter tiah a chim.
Dr. Thlaawr Bawihrin nih a mah timeline ah fiangtein a langhter mi cu Jimmy le a hawi thahnak cu teinak a nai canghnak a si. Hnahchuah le zertian caan si loin raal teinak biapi ah chiah caan a si tiah Chinmi or Laimi nih kan i bochanmi Dr. Thlaawr Bawihrin nih a langhter.
Leave a Reply