RIP. CHINMI KAN CAAH PU NGUN SAN AUNG CU A THI CANG EE

Pu Ngun San Aung hi cu Laimi or Chinmi caah cun a thimi bantuk ah ka ruah caah RIP timi Rest In Peace tiah ka vun ti ko lai. Achungkhar khat nih cun hi biafang nih nan celh lai lo timi ka theih ko nain vun ti lo awk hrimhrim a ttha lomi a si caah hi biafang ka vun hmannak hi a si. Zeiruang ah dah hi biafang ka hman timi cu aho chim loin kan theih dih mi a si.

Chinmi or Laimi kan caah cun Pu Ngun San Aung hi a thimi bantuk ah kan ruah dih. Cucu kan palhnak a um lo. Ralhrang nih uknak an lak hnu in an kuttang ah riantuan dingin an thim. Kha lio an thim lio ah khan ralhrang caah rian ka ttuan lai lo. Chinmi vialte caah rian ka ttuan lai tiah amah pumpak in a rak chimmi kan theih dih.

Khuacaan a vun i thleng cuahmah i, ralhrang hna cawlcanghnak a vun linsa cuahmah, Atu tiang ah Pu Ngun San Aung cu ralhrang kuttangah a um i, Chinmi kan thih loh cuahmah lio zongah a hmurka theih dingmi a um lo. Chinmi aa kan dirkamhnak biafang pakhat zong hmuh ding a um lo. Thantlang a kanghnak zongah alungfahnak a chim lo.

Nai ah hramhram in Thantlang khuanu khuapa le pastor hna cu ngaihthlem in a hlen rih hna. Asining hi Chinmi vialte nih kan theih a hau cang. Amah hi Chinmi or Laimi le ralhrang kongah rinh awk a tlak lomi a si. Cucaah Chinmi or Laimi caah rian ka ttuan lai a timi hi pak palawng khi a si. Cucaah cun Chinmi or Laimi kan caah cun a thi ko tiah ka vun chim. Chim ding tampi a um ko NAIN A HARH LE KA LANGHTER TTHAN LAI. Credit: SEMUAL

Thawngpang dang. Sianginn Pakhat CDM Cachimtu Le Siangngakchia Hna Cu KNU Nih An Humhim Hna Lai! Kaung For You sianginn cachimtu, rianṭuantu le siangngakchia CDM a tuahtu hna cu kan humhim hna lai, tiah KNU CSC Executive member Padosaw nih theihternak a tuah. KNU nih CDM ralkap, palik, cachimtu, siangngakchia lengah ramkel lei a cawlcaang mi hna tel in CDM a tuahtu hna cu,

Zohkhenh le kilkawi ding in timhtuahnak a rak ngei i cucu an pehzulh lai, tiah an chim. Kaung For You” hi private sianginn pakhat a si i, sianginn a dirhtu U Kaung Theih Soe(ဦးကောင်းသိုက်စိုး) le CDM cachimtu cheukhat hna cu July 13 zaanlei ah khan SAC ralkap nih an tlaih hna. Credit: The Chin Post.