Nizan kahdohnak ah PDF Kalay chungin minung pakhat nih ram le miphun caah a nunnak a pek i, minung pahnih nih hliam an tuar. Ralhrang kawlralkap le PDF Kalay, CDF hna cu Nizan April 22 Suimilam pahra hrawngah Kalay peng ah an i kap. Hi i kahdohnak ah ralhrang kawlralkap lei in minung pahra nak tlawmlo an nunnak a liam ve.
Ralhrang kawlralkap minung zakhat hrawng an si i Kyauhpiat khua le Incun khua ah a ummi an si. Cu hna cu CDF KKG le PDF Kalay, RKDF le Pahkahphah fonh hna nih an kah hna tiah theih a si. Ralhrang kawlralkap le a bawmtu pusawhti fonh hna cu zanlei suimilam paruk ah Incuun khua lei ah hnu an soh.
Cun ralhrang kawlralkap hriamnam ngan nih Yeshin khua inn 7 a khangh tiah CDF KKG nih an langhter. Hi konghe pehtlaiin April 22 thiamthiam ah Wantu peng Shinglay khua pawng ah a rak rami ralhrang kawlralkap hna cu mipi ralkap bomb nih a puah hnawh hna i ralhrang minung 15 an nunnak a liam tiah an thanh chih.
Tuni April ni 23 zing suimilam pakhat ah Moh myo lei ah rak rami ralhrang kawlralkap motor 12 hna cu mipi ralkap hna nih bomb an puah hnawh than i ralhrang minung pahra nak tlawmlo an thi i, motor pahnih zong a rawk riah PPDF nih an langhter.
Leave a Reply