CNDF Salai Van Lal Buat Saih (Kum 36) May 29 ah Kalay peng ih mine (bomb) cangsualnak ruangah le CNDF Salai Van Thawng Awi (Kum 32) May 29, Kalay peng ralram hmun pakhat ah ram le miphun hrangah an nunnak an hlan.
Thawngdang. Ramkhel pawlkom pawl zate telin an relkhawm mi lungkim tlang mi hrambun in federal democracy ram ramdinkhawm din thei dingin SAC thawn theihthiamawknak kan nei tiah Karen National Union, Karen National League Army (KNU/KNLA(PC) ih thusim theinak ṭuanvo neitu, sungṭuan bawmtu ဗိုလ်မှူးကြီး စောကျော်ညွန့် in Mizzima hnenah a sim.
Kan duh mi remdaihnak ti khalin siseh, kumkhua remdaihnak ti khalin siseh, federal democracy ram ramdinkhawm kan din ding. A pehpar mi ramkhel pawlkom pawl zate telin relkhawm mi cu lungkim tlang mi parah hrambun in din ding a si timi cu hnget zetin sim theih a si. Ca thawn a si lo na’n cuvek in theihthiamawknak kan nei” tiah a sim.
Naypyitaw ah May 26 ihsin 28 tiang, nithum sung an tuah mi SAC thawn thurelkhawmnak an ṭheh ah remdaihnak thurelkhawmnak thok thei dingin, federal ramdinkhawm din dingin SAC le hruaitu pawl karlak ah theihthiam awknak kan neih mi a si tiah a sim. KNU/KNLA (PC) cu May 26 ah thuneihnak latu ralkap hruaitu Min Aung Hlaing thawn an tongaw. May 27 le 28 ah SAC ih remdaihnak pawl thawn an tongaw sal.
Tonawknak ah KNU/KNLA (PC) lam ihsin an hotu Saw Htaw Lay, hotusang Dr. နော်ကပေါ်ထူး le hmunpi committee sungtel Saw Maung Maung pawl an tel a si. Kaphnih tonawk thurelkhawmnak ah remdaihnak le ṭhansonak thuhla pawl thawn pehpar in thurelkhawm mi sung ihsin an lungkim tlang mi pawl cu hmin an khen tiah SAC ih theihternak lam ihsin thu an suah a si.
Hmin an khen mi thawn pehpar in a cipciar cu SAC le KNU/KNLA (PC) kaphnih in felfaite’n thusuah mi a um hrih lo. SAC in remdaihnak thurelkhawm dingin a sawmnak cu a cohlangtu pawl thawn an tongaw hai ih pawlkom pathum thawn an tongaw zo tiah theih a si. An tonawknak ah remdaihnak thuhla pawl le rampi dinsuahnak thuhla pawl ti’n an sim.
Nain kahcawlhnak, ram pumpi ih a cang mi doawknak pawl cawl ding thawn pehpar in danglam zetih relkhawm mi a um hrih lo. SAC in remdaihnak thurelkhawmnak pawl cu May 20 ihsin Naypyitaw ah hlunghlai zetin an tuah na’n ram pumpi ah raldoawknak pawl a sosang rero ih SAC in mei a ur rero a si tiah Mizzima a tarlang.Crd; Chin lung today
Leave a Reply