Tuni PDF a nunnak a liammi cu an tam ngaingai. July nithum kahdohnak ah PDF ralkap minung 11 nih ram le miphun caah an nunnak an pek. Ram pum huap ralhrang kawlralkap le mipi ralkap i kahdohnak ah ralhrang lei in minung 19 an thi i, PDF lei in minung 11 nih ram le miphun caah an nunnak an pek.
July nithum i kahdohnak a chuahnak hmun le a thimi zat hna cu hitihin an si. Pekhu ramthen Kauh Kyi peng Mung Myo kahdohnak ah ralhrang kawlralkap minung pali an thi i, Sagaing ramthen kahdohnak ah ralhrang kawlralkap minung pali an thi tthan. Cun Sagaing ramthen thiamthiam Wat Lat kahdohnak ah ralhrang pahnih an thi.
Mipi ralkap PDF lei in minung 11 nih ram le miphun caah an nunnak an pek. Mon Ramkulh Bae Lin kahdohnak ah ralhrang kawlralkap lei minung pakua an thi. July nithum kahdohnak a thimi ralhrang hna hi tutiang ahcun nikhat chungah an thih tlawmbik lei a si. Hi langhtermi hna hi mipi ralkap lei nih an langhtermi chungin theihmi an si.
Cabia dang. Ralhrang he tonnak a ngeimi Thantlang khuanu khuapa aiawh in Pu Ramkhar nih tutan tonnak an ngaih mi konghe pehtlaiin Chinmi vialte sin ah fianternak a tuah. Hi fianternak tuah mi konghe pehtlaiin Chinmi nih kan i bochan taktak mi Chin miphun le ram caah biatak tein rian a ttuanmi Run Pen Sakhong nih a tanglei bantukin lehnak a tuah.
Pu Khar! Sa le ralhrang lak ahmun um mi nan ton mi le tuar mi aharnak le afaknak cu nan mah nih nan theih bik ko.Lungthawng tein kan Mipi le khuatlang rak dirkhamh rih ko uh.Teinak caah khuaza ramkip in nan unau hna rian an tuan ko, thla an cam ko, nan tha rak chia hrimhrim hlah uh.Teinak pekhotu athawngbik Sertu Pathian dawt mi Miphun kan si. Ralhrang hna cu kan tei hrimhrim lai. Hi ralhrang hna cu power duh ah Mi nunnak zei an rel loh. An kan hrawh dih. Inn le lo, khuatlang Mipi nunnak zei an rel lo. Lih le dinfel lo tuk in an kan nem nek. Zumh an hartuk.Lungsau tein, lungthawng tein kan i dirkhamh hna lai. Kan tei hrimhrim lai tih Run Pen Sakhong nih comment a pek.
Leave a Reply