Monywa PDF sakhaan SAC ralkap nih an luhhnawh hna i PDF 3 an nunnak a liam.Sagaing ramṭhen, Monywa peng ah hmunhma a khuarmi PDF sakhaan cu August 8 zinglei sml 6:00am hrawngah SAC ralkap pawl nih an luh hnawh hna i mipi hriamtlai 3 an nunnak a liam tiah theih a si.
A luancia July thla an rak tlaihmi hriamtlai 2 kha lam an hmuhsak ter hna hna i an rak luh hi a si tiah God Of Snakes phu rianngeitu nih The 74 Media ah a chim.Kanmah lei thawngpang hlat kan daithlang deuh. Line zong a ṭhat lo tuk ruang zongah a si. Zingka tuante ah an kan luh hnawh. A luancia thla ah an tlaihmi hriamtlai 2 kha lam an hmuhsak ter hna i kan sakhaan an rak phak hi a si” tiah a chim.
SAC ralkap pawl Monywa in an rak raa timi thawngpang ruangah sakhaan in kan chuak ko nain 20mins tluk kahdohnak a chuak i kanmah lei hriamtlai 1 a thi i an rak auhmi hriamtlai 2 zong SAC ralkap nih an thah hna tiah a chim.A nunnak a liammi hna hi Ko Thway Kyaw (Kum 21) Ko David (Kum 25) le Ko Fatty (Kum 30) hna an si. Credit: The Chinland Post.
Cabia dang. Khah, Ka dawtmi Laifa, Sangau YLA hna,Bawikhrih Min In Ngeihthiam kan hal ko hna e…Holh pakhat a hmang mi le miphun ah pakhat ai ti khun mi veve dah kaw kan si khah,nan thinhuntuknak kha kan in theih piak hna,nan mawh lo.Asinain aw unau hmanh ah pakhat fa a si mi kan si hi nan philh ka zumlo,a tu nan khuakhaan mi zong hi nan ngaihchiahnak langhternak caah a si ko lai ka zumh.
A taktak cun a tu nan thanh mi hi nan tuah sian ka zum lo hih.A rang cu,Pakhat pa bak kan si hna caah kan tisualnak zawn tete tu kha i chim hna usilaw,i ngaithiam hraam ko hna usih.Cu lo ahcun kan unau Mar pawl an lung kan tlingtuk lai i,holh lo te in an zapei an bengh khawh mi dah kaw a si cuh.Kan fa nau le nih an palh mi awlte in a ngaithiam kho tu hna cu nanmah lawnglawng dahkaw nan si ko hih.Cuhlannak sang in hi thil nih hin kan i dawtnak cu santer chin hram seh.
Note:CDF pawl, ziah patling a si cang mi nih nan biakam cu nan zulh lo? Kan chuahpi mi kan unau hna hi an mawh hrimhrim lo hih. A tu lamkham lawng an ti.Miphun dang lebang si hnaselaw,an khua chung a um cia mi hmanh an tthawl hna hnga hih.Kan unau te an ti caah dahkaw an khua chung um mi hna cungah tthawlkawnnak zei an tuah lo hih.Hmailei ah nan lung fiim cikcek cangselaw,hibantuk hin tuah khawhlo mi kha awltuk in biakam i tim ti hlah uh tiah kan nawl hna. Kaalawm. Credit: Pu Tin Duh Thang.
Leave a Reply