Ralhrang nih Tamu ah khuami minung panga an thah hna. Ralhrang kawlralkap nih zarh hnih chungah khuami minung panga an thah hna i, tthenkhat cu an ruak zong an khangh. Ralhrang le mipi ralkap karlak ah nai hrawng cu biatak tein Tamu peng ah i kahdohnak a chuak. June ni 14 ah ralhrang le Pyu Saw Htee nih Pu Kyaw Lwin an thah.
Amah hi hlei pawngah satil zuat in apaw aa cawmmi a si , a ruak zong an khangh tiah naihniam pakhat nih a chim. Cu lawng siloin tangka aa khonmi ting 300 le phone pahnih an lak piak rih. June ni 15 ah a tangka le phone an lakmi a va hal hna i an tlaih hnu Thlanmual ah an thah tiah an chim.
June ni 23 ah mino pathum zong Na Mon Tta khua pawngah an ruak in an hmuh rih hna. An thahmi hna hi Haung Lin Mang le Paung Ttin Thang cun Se Khu Thang an si. Anmah hi June ni 24 ah an ruak in an hmuh hna. An thahmi mino pathum hna hi kum 25 in kum 28 karlak minung an si hna. Inn zong an khangh rih.
June ni 30 zan ah Thang Gin Hao kum 30 zong a tlau i a thaizing ah khuachung lampawng ah a ruak an char tthan. A ruak an zohtik ah tukvelh hremnak nehnang a um ti a si. Ralhrang hna nih an thah hnu ah a ruak cu khuachung ah an rak chiah tiah khuami pakhat nih a chim. Ralhrang nih khuami an thahmi hna hi zarhhnih chungah a cang mi a si.
Thawngpang dang.Kawlram mipi an hruhning hi cu tiah Min Aung Hlaing nih a chim. Ralhrang lutlai Min Aung Hlaing cu Pathein atlawng i a nau le sin ah biachimnak a ngei. Atimi cu kawlram mipi hi cawnnak biapi ah an chiah lo ruangah an hruk tiah a chim. Kawlram chungah a ummi mipi thenkhat cu ram kong a thei mi an um.
Asinain a thei lomi an tam deuh. Ram kong theih lo hi fimnak he aa pehtlaimi zong a si. A hman lo ningin ram kong merh dingin miforhtu zong an tam deuhdeuh. Kan ram fimcawnnak hi kum chiar kan ttumchuk chin lengmang i mifim mithiam kan ngaihmi an tlawm deuhdeuh. Cawnnak biapi ah kan chiah lo caah kan theihnak le fimnak zong kan ngei lo.
A tu dirhmun rampi kan hruainak a ruang cu thil asi khawh ti lo caah a si i, cucu ralkap hna nih nan theih fian hrimhrim a harh. Mipi hna cu cawnnak biapi ah an chiah lo caah an hrut dih tiah a chim. Ralhrang lutlai Min Aung Hlaing cu nizan July ni 4 ah Pathein a tlawng i a chimmi pawl cu July ni nga ah anmah ralhrang thawngthanhnak a si vemi Kyimung nih an thanh.
Leave a Reply