RIP. RALHRANG NIH PUM TLAMTLINGLO MINUNG PATHUM AN KHANGH HNA

Ralhrang nih pum tlamtlinglo khuami pathum an thah hna. Culawng siloin khuami pahnih zong an thah rih hna. Nizan tihni ah ralhrang nih khuami panga hna cu Gangaw pengah an thah hna i an khangh rih hna. Hti Lin peng Yemyatni khua in a chuak mi ralhrang minung 40 renglo hna cu June nithum zingka suimilam 11 ah Ngainglay khua an phan.

Khuami minung panga le inn an khangh hna. An thah mi hna lak ah minung pathum cu pum tlamtling lomi an si tiah PDF Gangaw nih an langhter. Mah ka khua ah hin ralhrang minung 30 hrawng le motor pahnih hna cu an chiah ta hna i motor sawm 50 hrawng a phanmi hna cu chak lei ah an kal i, Khaungttun khua ah an riak hna tiah theih asi.

Thawngpang dang. Mipi ralkap PDF nih ralhrang voithum bomb in an puah hnawh hna i uico ralhrang minung 20 an thi. PDF lei in minung pakhat nih ram le miphun caah a nunnak a pek ve. Sagaing ramthen Chaung Oo peng, Kainyi khua pawngah ralhrang hna cu mipi ralkap phu 19 nih June ni 5 ah voithum bomb an puah hnawh hna.Culawng siloin an kah chih rih hna i, ralhrang kawlralkap minung 20 an thi tiah theih a si.

Kainyi khua ah umhmun a khuarmi ralhrang hna le an hnuzul Pyu Saw Htee hna hi mipi ralkap nih suimilam pakhat ah Drone in bomb an thlak hnawh hna. Drone a ratnak lei ah ralhrang hna cu an kal i mipi ralkap phu thum hi hmunthum ah bomb an puah hna i ralhrang 18 an thi.Bomb in an thuat hnu ah an kah tthan hna i minung pahnih nak tlawmlo an thi tthan. Mipi ralkap lei cu hnu an soh tthan. Ralhrang kuan nih a hliammi PDF ralkap pakhat cu Pyu Saw Htee nih an tlaih hnu ah an thah tiah theih a si. Ralhrang kawlralkap uico pawl a phomhtu hna cu a tanglei bantuk in an si.

Farmers Revolution Force FRF (CHU) le Aung San Force ASF cun LDF le Monywa Lightning PDF culawng siloin Chaung U Revolution Army (CRA) le Chaung U Revolution Army (CRA-2) siseh Revolution Army cun Monywa Peregrine PDF le Black Wold Defence Force cun Chaung U Local Defence Force le Black Eagle People’s Defence Force.Monywa Brave Hearts MBH le Dragon Brothen’s PDF cun SalinGyi People’s Defence Force(SPDF) le Zarmini MMU culawng siloin MRA le Myaung PDF CDSOM siseh Black Eagle Defence Force le ကန္တာရသိန်းငှက် စသည့် ဒေသခံ ကာကွယ်ရေး တပ်ဖွဲ့ ၁၉ ဖွဲ့က ပူးပေါင်း တိုက်ခိုက် ခဲ့ခြင်းဖြစ်ကြောင်း သိရသည်။