Ralhrang nih an thah tthan e, a ruak zoh ah lung a fak ko. Nizan June ni 14 ah ralhrang kawlralkap hna nih Sagaing ramthen Watlat peng, Mae Kone khua inn hna cu an khangh pin ah, inn thenkhat zong bomb in an puah hnawh. Culawng siloin khuami pakhat zong an thah tiah an langhter.
June ni 14 zing suimilam pahra ah Mae Kone khua cu ralhrang hna nih hmun nga ah an khangh. Cun inn tthenkhat zong bomb in an hrawh rih. Hi khua pawngah hin mipi ralkap le ralhrang kawlralkap zong an i kap. Ralhrang hna nih Helicopter pahnih in an kah rih hna i, ralhrang hna cu khuachung ah an lut.
Cu hnu ah inn cu an khangh tiah an langhter chih. An i kahdoh caan hi zing pakua hrawng ah a si i. I kahdohnak ah cunglei in ralhrang hna nih bomb voihnih an thlak tiah an chim chih. Inn an khanghmi ah hin Facang bag thong tampi ai tel tiah khuami hna nih an langhter.
Cabia dang/Thanhnak an tuahmi cu CDF Zotung an mah le mah sakhan an i laakpiak, meithal zuun 6 le kuan 1000 leeng an laak. Kawlram buainak chuah hnu mipi runveng tu in a dir mi CDF Zotung cu an mah le mah kar ah i hmuh thiam lonak le buainak um ruang ah an mah le mah sakhan an i laak piak i meithal AK le Rifles telh in zuun 6 kuan 1000 leeng an laak tiah CDF Zotung sin in thawng kan theih. Atu bantuk in meithal an i laakpiak le sakhan an i laakpiaknak a ruang hi, zatlang uknak kalpi a duhmi le duh lomi an um ca ah a si tiah kan theih.
Hi kong he pehtlai in CDF Zotung General Secretary nih, Kan sakhan an rak laak hi June 10 chun hrawng ah a si. Minung thazaang 40 hrawng nih an rak kan fuh. An hruaitu bik hi Ro Thawng Ling a si. Anmah lawng ra loin Gangaw PDF an i sawm hna i an motor zong an hman. Kan sakhan an kan fuh lio ahhin meithal nan kan pek lo a si cun tiin an kan tlerh. Kanmah lei tlaih lio mi meithal zuun 6 le kuan 1000 leeng kan pek hna,” tiah CCN ah a chim. Cun, meithal le sakhan an kan laakpiak lawng si loin February 23 i zapi lungtling in suai mi bylaw zong an hrawh dih tiah theih a si tiah nizan ah CCN ah langhter a si.
Hi konghe pehtlaiin Khin Ting timi nih comment ah a tialmi cu, Hi bantuk thawng hman lo tial hi i ralrin a hau. Keimah hi Zotung ka si aa pheu mi minung pathum li kha an auh hna i an duh lo caah an thilri kha phungning tein an lak biatu a si. Meithal Zunkhat hmanh an thlah lo. Hi bantuk in miphun min zuar in tangka kawl hi ningzak zok a si i kan i ralrin a hau lai hih. Thawngfiang theih hnu lawngah tial ah a ttha tiah Khin Ting nih fianternak a tuah.
Leave a Reply