RIP. RALHRANG NIH TUKSAPUR IN CDF PAHNIH AN THAH HNA E

Apoituk e, Chin ralkap pasalttha minung pahnih cu ralhrang kawlralkap hna nih tuksapur in an thah hna. Nizan ah ralhrang kawlralkap uico rual le mipi ralkap Chin pasalttha CDF Mindat i kahdohnak a chuak. Hi i kahdohnak ah Chin pasaltha minung pahnih hna cu an tlau.

Cu a tlaumi Chin pasaltha CDF Minung pahnih hna cu ralhrang kawlralkap hna nih tuksapur in an thah hna i, an ruak cu tuni suimilam hleihnih le minute 58 ah an hmuh hna tiah thanhnak an tuah. Ram le miphun caah a nunnak a liammi CDF Mindat pasalttha hna upatnak sangbik kan in pek hna.

Relchih Thawngpang dang. Breaking News. Kalaymyo ah ralhrang palik bawi an kahthah. Tuni June ni 30 suimilam pakhat le cheu hrawngah Kalaymyo Tahan sang palik Muzit Palik sakhan ah Sakhan hmu a simi cu Cycle datsi a rawnnak ah a min theih lomi hriamtlai nih meithal in a kahthah tiah theih a si.

An kahmi Palik sakhan hmu pa hi mipi sawhsawh thuam in aa hruk eih, Cun Mask aa vuah pin ah lukhuh zong aa khuh. An kahnak hi Tahan sang ah a si tiah an langhter. Hi thil a can hnu Tahan sang tthenkhat ahcun meithal thawng voithum theih a si i zanlei suimilam pahnih tiang ah a ruak an la rih lo tiah theih a si.