RONALDO NIH A DON MI LAKSAWNG BALLON D’OR PAKHAT A ZUAR

Ronaldo nih kum 2013 ah thiambik laksawng a hmuhmi Ballon d’Or cu Israel mirum pa Idan Ofer kum 62 sin ah a zuar tiah theih a si. Hi konghe pehtlaiin Marca nih a thanhning ahcun hi Ballon d’Or trophy hi Ronaldo nawlnak bantukin London Charity Event i, Make-A-Wish Foundation caah lilam nak tuah a si.

Hi lilam in an zuarnak tangka vialte hi zawtnak fak a tuarmi ngakchia le bawmhchanh a haumi hna zohkhanhnak caah hman timh a si. Lilam an tuahnak ah hin Ronaldo cu aa tal kho lo nain a agent Jorge Mendes nih mirum pa Idan Ofer sin ah Trophy cu a pek. A cawknak hi euros 540,000 a si.

Israel mirum Idan Ofer hi London ah khua a sami a si i, International oil le Shipping bussiness lei ah chawlet tawnmi a si i Israel Corp- Chemicals. energy le shipping chawlehnak zong zongah shareholder min lang ngaingai mi a si. Credit:zn

Thawngpang dang.Falam ah CNO/CNDF hnatlaknak loin kahdohnak tuah kan duh lo tiah CNO nih ca an chuah. Nizaan January 18 ah a cangmi Falam khuachung CNA le SAC ralhrang kahdohnak kong he pehtlai in Chin National Organization (CNO) nih cathanh an chuah.

Nizaan kahdohnak kong ah CNO/CNDF pehtlaihnak kan ngei lo; (Falam) hmunram ah a ummi hriamtlai bu theihternak tuah loin kahdohnak an tuah caah CJDC hnatlaknak an buar; CNO/CNDF theihternak tuah loin atu bantuk in kahdohnak an tuahmi hi kan lungtling hrimhrim lo; Hi hnu ah mah bantuk a um rih ahcun a herh ning in ttuanhma kan lak lai,” tiah cathanh ah an langhter.

Ngakchia tete telh in sualnak ngei lo minung tampi SAC nih an tlaihmi hna cung ah CNO nih duhlonak a langhter bang in arianrannak in thlahpiak ding zong in halnak an tuah. Nizaan zaanlei sml. 3:30 hrawng ah Falam khua, Farthawk sang ah CNA ralkap pawl nih SAC palik an kah hna caah palik 1 a thi, a dang palik 4 hliam an pu, tiah sang chung mi hna nih an chim.

Be the first to comment

Leave a Reply

Your email address will not be published.


*