Russia raltuknak Vanlong 40 tla lak in a kaptu Ukrain pilot minthang Ghost of Kyiv tiah theih mi cu raltuknak hmun ah a nunnak a liam tiah British publication The Times nih a langhter. Ghost of Kyiv hi a hodah a si timi ah The Times nih a langhter ning ahcun Major Stephen Tarabalka a si tiah a langhter.
Amah hi kum 29 te lawng a si rih. Asinain Ukraine ram ah pilot minthang taktak a si i, Order of the Golden Star le Hero of Ukraine title a hmu cang mi a si. A thihnak konghe pehtlaiin Ukraine cozah le defense ministry lei nih cun zeihmanh an langhter mi a um lo tiah an chim.
Major Stephen Tarabalka nih hin a thih hlan March ni 13 tiangah Russian raltuknak vanlong 40 a kahthlak hna tiah an chim. Hi konghe pehtlaiin National Public Radio nih a langhter ve mi cu Ghost of Kyiv a nu le pa Nahtalia le Evon Tarabalka hna cu naite ah khan ton biaruahnak an ngaih hna.
Hringtu a nu le pa nih an chimmi cu kan fapa Major Stephan hi a hngakchiat tein vanlong mongh a thiam taktak mi si a duh i, biatak tein aa zuam. Cunglei ah biatak tein cawlcangh hi aa timh bik mi a si. A tu ahcun a mission a dih cang caah kir tthan ding um ti loin tukdohnak hmun ah a nunnak a liam tiah an chim. Mah lawng hi thawngpang an theih khawhmi asi tiah an langhter.ZN
Thawngpang dang. Yangon ah PDF minung 11 thah nak ah mawhphurtu an thah khawh cang. Ralhrang sin ah thawngpetu Pyu Ko Ko cu meithal zun 19 in an kah thah. An thah mi pa hi khuabawi a si i, ralhrang kawlralkap sin ah PDF pawl an um nak hmun a chimh hna ruangah PDF minung 11 hna cu ralhrang hna nih an tlaih thah hna.
Mah khuabawi Dalan athat tu hi YLF an si tiah an langhter chih. Tuni May nikhat zanlei suimilam pakhat le cheu hrawngah meithal zun 19 in an thah. A thah mi khuabawi Dalan pa nih hin a liamcia February ni 11 ah PDF pawl an umnak hmun ralhrang sin ah a chimh hna i ralhrang nih PDF pawl cu an tlaih hna i, an nunnak an lak hna.
Leave a Reply