SABBATH PHUNG NAKIN PATHIAN VEL A NGAN DEUH

SABBATH PHUNG NAKIN PATHIAN VEL A NGAN DEUH.Voi khat cu, BAWIPA JESUH nih kum hleiriat chung, thlarau țhalo (Khuachia) nih a zawtter cangmi minu pakhat cu Sabbath ni ah a damter tikah, pumhnak inn zohkhenhtu pa cu a thin a hung i, Rianțuannak dingah ni ruk pei a um cu; cucaah cun cu ni ruk chungah cun tah nan rat i nan i damter; Sabbath ni ah hin cun ti hlah ngat u, tiah a ti hna (Luka 13:10-14).

BAWIPA JESUH nih a leh i, “Midepde hna, Abraham fanu, Satan nih kum hleiriat chung a hrenmi hi Sabbath ni ah hin phoih awk a si hnga lo maw?” tiah a ti (Luka 13:15-16).Khuachia nih kum hleiriat chung a țem cangmi, Abraham fanu damternak caah khan, ni ruk chung i damter le ni sarih ni (Sabbath ni) i damter kha biapi a si lo.

Sabbath ni ulh timi nawlbia/phungbia nak khan, Khuachia țemțawnmi hna, damter awk le luatter awkah “Thlah” a sinak, PATHIAN Velngeihnak le Zaangfahnak kha a ngan deuh! Satan/khuachia nih, kum sawm sarih leng a țemțawn cangmi, Chin Miphun Luatter le Damter kha BAWIPA nih aa tinh cang i, a caan a phan cang! Hi, BAWIPA PATHIAN Velngeihnak le Zaangfahnak hi Chin Miphun kan caah, cheuhra cheukhat phungbia zulhnak in a ngan deuhmi a si.

Satan nih kum hleiriat chung a hren cangmi Abraham fanu damternak caah, ni ruk chung i i damter le Sabath ni i i damter kha biapi a silo bantuk khan, cheuhra cheukua le cheuhra cheukhat phungzulh kha biapi a si lo. Satan țemtawnnak chungin Abraham tefa Chin Miphun Luatter le Damter hmasat tu kha PATHIAN rianțuan taktak cu a si deuh.Sal santlailo Tluang Lian (Martar)