SALAI ELISHAMA: KEIMAH NIH ING KO NING, TIMHCIA KA SI KO

Keimah ka sual ka palh ruang le ka tuahser nak cung i a tlung ding dantatnak vialte hi cu keimah nih tuar dih ka duh ko. Timh cia ka si ko.A zeidang lam in ka kham kho hlei lai lo.Nain Nunnak thap in miphun le ram ca ka ttuan mi tu nih hin cun ka tu le fa caah thluachuah si hram ko seh.Keimah tuahsernak ruang i inn ding mi cu keimah nih ing ko ning. Credit: Salai Elishama TN

Relchap thawngpang dang. CDF Paletwa caah thlacamnak in bawmcio hna usih. CDF-Paletwa Camp Lei Ah SAC Ralkap Nih Rallam An Sial! Chin ramkulh Paletwa peng mizapi vengtu CDF-Paletwa camp lei panh in SAC ralkap nih rallam hmun 3 ah an sial i, an kalhnawh hna. SAC ralkap hna cu an dihlak 300 leng an si, tiah theih a si.

SAC ralkap hna cu Mechung (မီးချောင်း) khua Pawah(ပါးဝ) le Yaungwah(ယောင်ဝ) pawng ah camp an i ser khawh i, Wading(ဝါဒိန်) le Sawngwah(ဆောင်ဝ) khua pawng zong ah camp an i ser khawh, tiah anmah ngiathlaitu hna nih cun an ruah.CDF-Paletwa batallion 1 lei ah kahdohnak a chuak kho, tiah an pawngkam khua hna cu ralrinnak pek an si tiah mipi vengtu ralkap lutlai nih social media cahmai ah ralrin peknak caṭial an taar.

Mah zong hi Abiapi taktak mi Mindat-Matupi Motor Lampi Cu Mizapi Zulh Lo Ding In CDF-Mindat Nih Cathanh An Chuah! 19.7.2022 in Matupi le Mindat lampi cu mizapi nih zulh/hman lo ding in CDF-Mindat nih ralrin peknak cathanh an chuah. Cu cathanh a zul lo mi hna cu CDF-Mindat nih fak piin dantatnak kan tuah lai, thil pakhatkhat a can sual ahcun ṭuanvo kan la lai lo, tiah CDF-Mindat nih cun an thanh.

Cabia dang or thawngpang dang. Chinmi kan caah cun lung a fak in ngaih a chia hringhran ko ee, Ralhrang Kawlralkap hna nih Falam le Hakha karlak ah a ummi Taal khua cu a dihlak ti awk in an khangh. An khangh lomi inn sarih te lawng khan a si. A dang vialte hna cu ralhrang Mifir khu hna nih an khangh dih. Hmanthlak vun langhter mi hi zoh ulaw a fiang lai. Ralhrang kawlralkap mifir khu hna nih Taal khua an khangh hlan le an khangh hnu hmanthlak a si. Ralhrang kawlralkap hna nih Taal khua cu nikum October thla ah khangh hram an thok i, tukum July ni 9 ah an khangh tthan. Atu an khangh hnu hmanthlak zoh tikah biakinn he inn sarih lawng khangh lomi a si.