Tuzan zong an bia umkal Dan ding â thei cia pah ko.June 23, 2022 zan hnihnâk ah Trinity maw, Oneness UPC zumhnâk tlaihtleng hlâthlâinâk ( zirchianna ) tihi chim ceihti than si lai. Tuzan cu Dr. PC biaksiama nih cân a thok hmasa ve cang lai, Zahan ah zohchia tuk in a mual a phoh cang caah, tuzan cu study felfai deuh ngei ding ah ruat ve phawt u sih law, theologian deuh zongin kan hna rak tung ve phawt tuah u sih.
UPC doctrine hlâthlâinâk debate ding a si kha Dr. PC biaksiama nih hin a philh than sual sicun, sarmon in â thok than te lai, rak zoh te ko hmanh uh.Gen 1:1 chung Elohim Kong le, 1 Joh 5:7 chung i, these three are one ti hrawng khi ram a kan vaihpinâk ding tupi hmawng si te theu lai, Elohim timi Pathian cu pakhatnâk tam ah a chim te lai i, Pathian pathum ti ngai ngai cu a ngamh fawn te lai lo.
Bible chung bia chirhchanh tuahnâk in history lei ah church fathers hna pawl doctrine ser mi Trinity ah thuthmun serpi a kan sawm than te kho men. Rev. Thangliansanga nih UPC zumhnâk tlaihtleng ah Pathian pakhat kong cu Bible Cahlun in Cathar tiang a kherhlai than lai i, cu Pathian cu Judah mi hna Pathian kha a si hmasa ning le Jentail mi hna Pathian a si ve nak tiang in,
Cun, cu Pathian cu minung pumsa i â langhnak , â phuannâk langhter in UPC zumhnâk ah cun Jesuh hi Pathian pumsa i â cangmi kha a si ko , tihi Bible in a fehter thante lai.UPC zumhnâk ah Pathian cu pakhat lawnglawng a si timi Bible cacâng chirhchanh cu , Dr. PC biaksiama nih a si lo e, tiah Bible cacâng sawh in a phelh kho fawn te lai lo caah, Pathian hi thumkomh bak in kan pom i kan zumh a hau, tiah, tui ngai in a sarmon than hoi te ko lai, rak zoh te hmanh u, Bible cacâng a sawh kho bak lai lo.
Bawipa nih rem a ti ah cun tuzan ah kan zoh ti than te hna lai. Oh,Zahan ka mang tawite in Debate dih in ka it colh i, cikkhat ah kâ hngilh colh ko, mah ahcun mang ka manh mi cu hitihin rak si. Dr. PC biaksiama le Rev.Thangliansanga UPC doctrine kong debate an tuah lai ti thawng Social media i a hun langh bak khan Dr. Rualuk nih a kawi Pa , Dr. PC biaksiama cu tei a si sual la ti a phan tuk caah, idea tlawmpal a hei cheuh.
Mtt 28:19 kha dirpi peng law, Lam 2:38 an vun chim sicun, baptisma peknâk ah cun Pa Fa Thiang Thlarau min in an pek ko lai, Jesuh min in ing uh, ti khi cu, Jesuh nawlngeihnâk an hmannâk a si ti phun in chim khawh nai zuamte lai, tiah, bia thli a vun rawnh i, Dr. PC biaksiama nih mah bantuk cun ka theih bal tung lo, kannih mizoram nih cun Pa Fa Thiang Thlarau min in tipil ing le pek hi â khat , tiah kan ruah i, Jesuh min in tipil ing le pek zong hi, â dang ah kan ruat lo.
A mirâng lei holh hram ah cun â then lo, â khat in a um ko. tuahter ding, an tuahnak le an tuah ning chimnâk pei an si ko cu, tiah a rak leh.Asinain, laitlang lei Dr.pa nih cun mah ti na tan lo cun an in hloh lai, a tu ka chim ning khan chim ko, kei zong mah ti khan ka chim i, baptisma cu a petu nih Pa Fa Thiang Thlarau min in a pek lai, Jesuh nawl pek ning te a si. baptisma a ingtu nih Jesuh min in a ing lai.
Zeicahtiah nawl petu cu Jesuh a si caah a nawl pek ningin tuah kha nawl petu pa min in tuah a si, tihi ka idea a si, a tutiang cu zapi nih a ruah awk an theihthiam lem lo. a rak ti i, mizoram lei Dr.pa nih aa ka chim bal ning si lo i, ka thiam te hnga maw aw, ka philh sual te ko lai dah , a ti le , lungrethei ngai in an rak i um.
A donghnâk ah laitlang lei Dr. Pa nih thumkomh Pathian Jehovah nih an dirpi ko lai, a vun ti than i, mizoram lei Dr. Pa nih, ai, kan nih lei nih cun Trinity tihi komhchom Pathian tinak a si loh kan ti cu ta, a tu kha zeitindah thumkomh Pathian na ti khawh ? Trinity ticu, Pathum rual, ti le , Pathian pakhat ah Mi pathum , si lo ah, Pathian pakhat pathum a sinak, pakhat kha pathum a sinak , tiah pei dictionary ah tial a si cu, komhchom a si lo caah, thumkomh tiin cun chim phung a si lo.
Laimi pawl hi thumkomh Pathian tiah , hla phuah le catial nan hmang rua, Trinity Pathian cu komhchom mi hrimhrim a si lo bantuk in thencheu phung zong a si lo teh, tiah nem nawn tein a rak sik.Ka khuaruah a rak har ngai le mah cun kâ hlau i, baptisma kong hi Laimi kan ruah ning le Mizo ruah ning cu a rak i khat lo mu, mirang nih baptisma kong ah pek le ing hi an thlei dang lo, tiah mifim bia ka rel mi cu ka lung fiang chin chin. Mah vial. Credit: John Fready
Leave a Reply