Ka Cauk Relmi Le Ka Lungchuak. Eisegesis Le Exegesis.EISEGESIS; mah hna pawl cu anmah ruah ning le duh ning fehter le dikter timh ah Bible cacâng chirhchanh a kawl in a kawl mi an si. An cawnpiaknâk a himlo, tih an nung. Ka lung a fianning cu hi ti hin ka chim tuah lai.Tahchunhnâk ;GOD IS TRINITY; Pathian cu thumkomh a si. tiah an chim, an Bible cacâng thimmi cu 1 Joh 5:7 si i, mah Bible cacâng nih hin Pathian pakhat ah Mi pathum an um bak, ti cu fiang tein a langhter, an ti.
Bible ah â tial ning a cunglei in a tanglei vun zohpi hna u sih law, Pathian pakhat ah Mi pathum an um, timi biafang cu hmuh ding hrim a rak um fawn lo . EXEGESIS; pawltu cu Bible cacâng pakhat an chim lai ah, a tuanbia hram in a tialtu tial hnawhchan le a tik cu le cân hna, hlâthlâi hmasa mi an si.1 Joh 5:7 bia hi, a sullam hngalh fian duh ahcun a cunglei in a tanglei tiang rel dih i, aho kong dah a chim ti le zeidah a tial hnawhchan ti kha hlâthlâi ta hmasat ah cun Pathian pakhat ah Mi pathum an um le um lo kong hrim â tel lo ti cu a fiang colh dih ko.
A hrimhrim ah, an chim bantuk in cun , Jesuh vawlei cung i a len lio ah, hngalhpitu, Pa, Bia le Thlarau cu an pathum tein Van ah hei um taktak rih ko hna seh law, Oneness doctrine lawng hlah, khrihfa zumhnâk hrampi Holy Bible hrimhrim hi zumh awk tlaklo Cauk pei a si lai cu!( A tuaktân huam mi hna caah home work) Facebook Evangelist tiah ruahmi le bang nih cun, Pa, Bia, Thlarau timi khi, Pa, Fapa le Thiang Thlarau a ti rih, tiah a chim.
Bia, khi, Minung â canhlan ah fapa sicang rua tiah an ruah hoi .Cucaah, Pathian pakhat ah Mi pathum an um, ti hi an ruah ning si i, God is Trinity, thumkomh Pathian, ticu an duh ning a si caah, EISEGESIS hna pawl bantuk in Bible cacâng chirhchanh ding kha hmunkip ah kawl in, anmah duh hoih in hrilhfiah a hmang mi men an rak si, tihi ka lung an hung pem. Anmah ruah ning in an duh mi bia chimnâk ah Genesis in Biathlâm tiang Bible cacâng an khomh suat lai i, tha nalo in an fonh tonh than lai. tiah , Cauk ka rel mi cu ka lung fiang chin lengmang.
KA CAUK REL MI CHUNG IN KA LUNG CHUAK NEKNAWI. Khrihfa upa pek, Evangelist pek, Pastor te pek, thawngtha chim thiah kan si tik ah EISEGESIS hna pawl bantuk si lo in, EXEGESIS hna pawl bantuk tuin Bible study tha tein a tuah mi kan si a herh. Na chim ding mi bia he â tlâk mi Bible cacâng te lawng kawl hmang hlah, Bible na rel mi chungtu in khrihfabu cu thazâng pek i zuam hna .
Lih chim i puh vialte lak ah thih hnu lih chim i puh hi a fak bik, a ruang cu lih ka chim tunglo titu ding an um ti lo caah, mithi si cangmi cu Lih chim va puh duh hlah, a nungmi mifim nih an in zumh piak hlei lai lo.A nun lio ah amah nih ka palh a ti lo ahcun a thih hnu ah nangnih a palh na ti piak kho lai lo, zeicahtiah, a palh lonâk chim ding kha a ngei kho men ko.
Thlân khor chung in hohmanh bia a chim khomi an um ti lo caah a nungmi hna sual phawtnâk in a thimi hna sual phawt a foi deuh ko, sinain, mifim nih cun an hmang lo.Mi fim nih a minung hawi an thih hnu ah an ruh an phomh bal lo.Bible leh kong ah mifim nih mi thi ruh phomh an hmang lo . Bible paohpaoh nih Pathian pakhat kong an chim dih.
Tipil kong ah na lungre a theih sicun Bawipa Jesuh Khrih min in ing ko. Cucu Lamkaltu cawnpiaknâk le al awk tha lomi Bible tial ning cu a si. Bawipa Jesuh min in tipil lawng pek an si rih. timi hi , mirang ca a thiam mi hna nih mirang ca in rak tial hna sehlaw, ( translate ) zeitindah an tial hnga ? tihi, ca reltu paoh, Question❓Tuzan ka lung chuak bia neknawi te te. Mah vial ! Credit: John Fready
Leave a Reply