1Tim 3:16 PATHIAN CU THISA AH Â CANG I, Mirâng King James nih GOD tiah leh â palhmi kha i chirhchanh ding a si lo tiah, Israel R Thang nih a ti. 1611 kum ah rak leh mi King James Bible nih 1Tim 3:16 nâk hi leh â palh maw? OC , timi hmanthlak ka tar mi ah khin O chung khi â rîn mi le a rîn lomi an si, Greek cafang ah a chung â rîn mi 0 cu ‘God’, chimnâk ah hman si i, a chung â rîn lomi cu ‘He ‘ chimnâk ah hman si. ti a si.
Tahchunhnâk ah; God is, God was ti si cun, a chung rîn a ummi hman a si i, He who, He was ti si cun, a chung rîn um lo mi hman a si, tinâk. ( mah kong research an tuah ning cu hnu ah ka tial than te lai. ) LEH Â PALH TIAH KAN PUH SI CUN. Mirâng Bible ah King James lawng nih 1Tim 3:16 ah Pathian cu, tiah rak tial sehlaw cu leh palhmi a si, ti puh a fawi te ko hnga, asinain, mirâng Bible dang,
King James nakin a upa deuh mi 1587 kum leh mi The Geneva Bible, 1568 kum leh mi The Bishops’ Bible, 1568 kum leh mi Matthews Bible, 1540 kum leh mi The Great Bible, 1535 kum leh mi Coverdale, le 1525 kum leh mi Tyndale te hna ah, Pathian cu, tiah rak leh cio si diâm cang ko khih. 1Tim 3:16 kongah Mirâng King James hi palh kan puh sicun, a dang vialte hna zong khi leh â palh mi ah kan puh dih hna law law a hau lai tinâk si.
PATHIAN CU THISA AH Â CANG I, timi bia hi Commentary tha tha zongah hmuh ding an um len fawn. Matthew Henry, John Gill , John Calvin, John Darby, B.W Johnson, John Wesley, Adam Clarke te hna le David Guzik’s Commentary le People’ New Testament Commentary te hna zong ah GOD is, GOD was Pathian cu ti dih si ve.
mah hna vialte zong nih hin Pathian cu tiah an ti cio tikah hi hna zong hi leh â palh mi Bible chirhchanh ah a hmangtu an si ve hna tinâk si cu. Pathian cu thi-sa ah â cang i, timi bia hi Hyppolytusa’n nih A.D 170 – 236 kar lak ah, a rak tial ve i, Cun, Dionysian zong nih kum zabu 3-lio ah Khan Pathian cu thi-sa i a rak i can caah, tiah a rak tial ve.
Hlan lio kut tial Bible hna ah cun ‘ He who ,,,, ‘ timi nih hin chirhchanh ding ( evidence ) chim tlak a ngeih lo lio ah ‘ God was ,,,,’ timi tu nih cun kha hlan A.D zabu 1- lio in Church father’s kan pa le catialmi kip ah hmuh ding ( evidence ) tampi a um. ( Bible rintlak lo a awm em? timi cauk ah Dr. PC Biaksiama tial mi chung in tlawmpal. Credit: John Fready.
Leave a Reply