CNA nan si zong ah, CDF, CNDF le PDF kan si zong ah, SAC ralhrang a dohtu, ram mipi ralkap kan si dih hna. Tutan dohthlennak ah a dih dongh tiang raltha tein nan kal i miraltha nan sinak, nan ralthatnak nan langhter ding kan duh piak hna. Atu nan tuah sernak, dohthlennak nan tuah mi hi tuanbia ah a hmun peng ding mi, tuanbia dawh tuanbia tha nan tial a si timi hi philh hrim hlah uh.
CDM a tuahmi dihlak, nan pawcawmnak a simi, nitin nan ei ding mi rawl hlonh in raltha tein SAC ralhrang duh lonak a langhter tu nan si, SAC ralhrang kan dohnak lamthluan ah CDM hi kan hero pawl nan si timi i philh hlah uh. CDM pawl nan tuah sernak, nan ralthatnak le chungkhar pawcawmnak kal tak in raltha tein mipi lei nan dirnak hi tutan kan dohthlennak ah a biapi tuk mi, teinak kan hmuh nak ding ah a biapi taktak mi Teinak Key (Tawh) cu nan mah hi nan si.
Cu caah dohthlennak kan tei tiang, a dih dongh tiang atu bantuk in CDM nan pehzulh ding zong kan nawlpat duh fawn hna.Cun mino vialte hna, atu lio hi kan ram le kan vawlei zaamtak caan a si lo, kan khuaram, kan vawlei zaam tak in ramdang kal i cuh caan a si lo. Kan ram, kan vawlei le kan miphun kilven a herhtuk lio caan cu atu hi asi caah zaam hlah uh.
Khuanu khuapa, bochan mi kan nule kan pa vialte hna. SAC ralhrang nawlngeihnak le uknak a chuah khawh lonak ding ah nanmah zong nih biatak tein kan dirpi ve uhlaw, SAC ralhrang office pawl a cawlcangh khawh lonak ding ah a lamkip in kan cawlcangh piak cio hram rih uh. SAC ralhrang uknak taang ahcun zeibantuk thiltha hmanh a chuak lai lo timi hi thei hrimhrim hna usih.
Kum 70 chung an kan uknak zohchih in ralkap uknak taang ah zeihmanh thiltha a um lo timi cu mithmuh kut tongh a si ko. Federal uknak phung kan ser khawhnak ding ah hramhram nawlngeihnak hi a si khawhnak lam kip in doh cio hna usih. A dik mi raldohnak ah teinak kan hmuh hrimhrim ko lai. By Col. Solomon Thangding. Note: CNA ralbawi Col. Solomon Thangding nih Kawlca in a tial mi, Laica tein kan rak leh chin mi a si. Copy past loin share in kan bawm ve hram
Leave a Reply