Tamu ah ralhrang kawlralkap nih nu pakhat a ruang um loin an thah. June ni 10 zanlei suimilam pasarih ah Motor cycle in a rak lawimi Mah ငိုင်ရှမ်းနဲမ် kum 27 cu ralhrang kawlralkap uico hna nih an kahthah. A ruak zong tuni ah chungkhar hna nih an fimtawl tiah theih a si.
Ralhrang nih an kahthah mi Mah Naing Sam Nam hi Kalaymyo in Tamu lei ah a rak ra. Tatkone pawngah ralhrang kawlralkap hna nih an kahthah.An kahthah nak le an umnak hi aa hlat lem lo. Amah hi sang 9 nak ah a ummi a si, a chungkhar hna nih a cycle zong an hmuh tthan. An kahnak a ruang zong theih a si lo. Tamu ah hin zan ah chuak hlah uh tiah thanhnak an tuah mi a si.
Thawngpang dang. Pyi ah sianginn hngah rian soktu hna cu SAC ralkap thuam hrukter in kuan tello meithal an tlaih ter hna. Pago ramṭhen nitlak lei Pyi ah SAC ralkap kuttang um sianginn hngaktu hna caah rian an auh i, cu rian a soktu hna cu SAC ralkap thuam hrukter in kuan tello meithal an tlaihter hna i security an hngahter hna tiah tualchung mi nih an chim.
Thlakhat sing thum in sianginn hngah rianṭuan a duhmi caah rian an auh hi a si, rian an luh cangka in SAC ralkap thuam an hrukter hna.Cun Pyi khuachung no.5 sianginn hauka gate ah security an hngahter hna tiah tualchung mi pakhat nih a chim. Cu bantuk cu kan duhlo, phaisa zong kan pe duhhlah uh tiah rian chuahnak nawl an hal hna na in chuahnak nawl an pe hna lo. Thlakhat tlin tiang cu nan ṭuan lai, raltuknak hmun hmaisa ah auh nan si ah cun nan kal lai tiah an kan ti tiin Pyi khuachung ummi pakhat nih a chim.
Pyi khuachung no.5 sianginn lampi hmaiah SAC ralkap nih um/kalnak nawl an phih na in sianginn kaimi ngakchia thlah/dong tu hna nih hauka ah SAC ralkap thuam he gate hngakmi kan hmuh hna tiah a chim.SAC ralkap thuam he security hnaktu kan hmuh hna hi zerhkhat hrawnglawng a si rih, cu hlan ah cubantuk hngah cu a umlo tiah khuami pakhat nih a chim.
Leave a Reply