SUU KYI CAAH THAWNGPANG THA PAKHAT A CHUAK

Suu Kyi caah thawngpang tha pakhat a chuak. Ralhrang nih Aung San Suu Kyi sual an puhnak pakhat a simi Helicopter cawknak kongah taza a cuaitu hna nih tehte pakhat hmanh an ngei lo. Biaceih zung ah hi sualpuhnak cu an ceih. Asinain taza a cuaitu lei nih tehte hmuhsak ding pakhat hmanh an ngei lo.

Taza a cuaitu lei Anti-Corruption commission investigation director Aung Khan cu Suu Kyi sihni hna nih helicopter cawknak konghe pehtlaihnak tehte kawlca in lehmi zong an ngaih lonak an chim. Hi sual puhnak hi biaceih zung ah tehte he nan hmuhsak lai tiah an ti hna. Asinain zeihmanh an ngaih lo ruangah June 13 ah ceih tthan ding tiah an thanh.

Sual an puhnak hi Suu Kyi nih a mah nawlngaihnak hmangin Helicopter a cawk i a hlanh hna tiah ralhrang nih sual an puh. Cun president Win Myint le Dr. Win Myat Aye zong Anti-corruption phung section 55 hmangin taza an cuai ve hna. Suu Kyi cu June ni 19 ah hin kum 77 a tlinnak ding a si.

Ralhrang kawlralkap misual pawl hna nih Aung San Suu Kyi cu kum 100 chung thongthla kho dingin taza an cuai pin a tuhi theih cio bangin ralhrang nih an hren peng rih. Chungkhar hna nih hibantukin ralhrang hna nih an hrenmi ruangah UN lei ah an chim cuahmah ve tiah an langhter. TP

Thawngpang dang. Ralhrang bawi ngan pakhat PDF nih Sniper in an kahthah. Tantaung peng i meng 13 ah a ummi ralhrang kawlralkap bawi pakhat cu zan suimilam pariat hrawngah Sniper in an kahthah tiah khuami hna nih an thanh. Hi konghe pehtlaiin mipi ralkap Tantaung PDF a tanglei bantukin an langhter.I kahnak ah ralhrang kawlralkap Deputy sergeant maw asi Second commander dah asi timi tu theih a si lo. Asinain a thi hrim ko tiah thanhnak an tuah.

Khuami pakhat nih a chim ve mi cu zing lei ah meithal a puah thawng kan theih i ralbawi pakhat a thi thawng zong kan theih tiah a chim ve. Hi hmun ah a ummi khuami inn hna cu pakhat hnu pakhat in an thlok dap pin ah meithal an puah chih. Cucaah mipi hna cu ralring tein um uh tiah PDF nih an theihternak an tuah hna. Aliamcia June ni 4 zan suimilam pakua hrawngah sianginn ah bomb a puak tiah theih a si.