Timit lei kahdohnak thawngpang le theihternak. CDF – Zophei, CDF- Hakha, CDF- Thantlang le CNA i bawm in July 30 zaanlei in nihin tiang pehtlai in kahdohnak a um i ralhrang lei in a thi mi le hliamtuar an um. Nihin tiang ah kanmah lei cu kan him rih. Ralhrang hi phuthum in an i then i an ratnak lam cio in bawh an si.
Nawiva lei in a rak kai mi hna cu Timit le Congthia kar lam lei Lungkhar phanh lainak tlang ah CDF phukomh hna nih August 1 zaanlei 2:30 tluk in zaan 8:00 PM tiang an kah hna i zaan a si ca ah ralhrang pakhat a thi mi lawng hmuh a si i aa hliam mi fiang in hngalh khawh a si rih lo.
Ralhrang zong an umnak in an kir rih lo pin ah August 2 zinglei zong ah hriam ngan in an kah hna ca ah pehzulh in kahdohnak a um kho. Cucaah, ahohmanh Congthia le Timit kar siseh, Timit le Hakha kar zong Chawhvah le khualtlawn khawh a si rih lai lo. Ralhrang lei nih thazaang an chap chin i Timit ah hmunhma khur an timh ca ah nawlngeih khawh nan kan zuampiak naklai thawng kan in thanh hna. Credit: CDF Zophei.
Thawngpang dang. Mitlau Kawlnak. Malaysia in a rak tlungmi Chinpa Yangon ah a tlau tiah theih a si. Malaysia in kawlram ah a rak tlungmi Chin ramkulh Paletwa peng a simi Ko Hlah Kyaw kum 23 cu nizan July ni 31 zanlei suimilam pahnih ah Yangon Shwe Pyi Tha chungah a tlau tiah thawngthanhnak an vun tuah.
A tlaumi pa hi a hawipa he a sawng in lengah an chuak,. A mah lawngin a rak lawi ah hin Lam a tlau lai tiah zumh a si. Amah hi kawlholh zong a thiam lomi a si pin ah phone zong aa ken lo. Amah hi Shwe Pyi Tha sang 7nak မင်းရဲကျော်စွာလမ်း၊ ကျော်စွာ မှတ်တိုင်၊ Moe Samtuahnak dawr hnulei a sawng ah a ummi a si. Ahmumi paoh nih 09445918265 ah thawngtheihternak tuah cio ding
Leave a Reply